ახალქალაქის 40-ე საოლქო საარჩევნო კომისიის შენობაში პოლიციაა მობილიზებული
23:08 / 28.10.2018
ახალქალაქის 40-ე საოლქო საარჩევნო კომისიის შენობაში პოლიციაა მობილიზებული.
სამართალდამცველები მას შემდეგ გამოიძახეს, რაც „ნაციონალური მოძრაობის“ წარმომადგენლებსა და კომისიის წევრებს შორის დაპირისპირება მოხდა.
ახალქალაქის საოლქო საარჩევნო კომისიაში დაპირისპირება მას შემდეგ დაიწყო, რაც „ნაციონალური მოძრაობის“ წარმომადგენელმა, თეონა ჭალიძემ საოლქო საარჩევნო კომისიის თავმჯდომარისგან, ჰასმიკ მარანგოზიანისგან პირველივე საარჩევნო უბნიდან მოტანილი შემაჯამებელი ოქმის ნახვა მოითხოვა.
როგორც თეონა ჭალიძე მედიასთან აცხადებს, „საოლქო კომისიის თავმჯდომარემ ოქმის ნახვის საშუალება არ მისცა და ხელით შეეხნენ“.
ამის შემდეგ ოლქში „ნაციონალური მოძრაობის“ მხარდამჭერი მეგი გოცირიძე მივიდა. გოცირიძე იმ ოთახში შევიდა, სადაც ხმების დათვლის პროცესი მიმდინარეობდა და საოლქო საარჩევნო კომისიის თავმჯდომარესა და წევრებს დაუპირისპირდა.
როგორც კომისიის თავმჯდომარის მოადგილე აცხადებს, მომხდარი არის მიზანმიმართული პროვოკაცია და ოპოზიცია ცდილობს საარჩევნო პროცესის ჩაშლას.
შემთხვევა, დაახლოებით, 21:20 წუთზე მოხდა. ამ დროს საოლქო კომისიში უბნიდან პირველი შემაჯამებელი ოქმი შევიდა.
„როგორც კი შემოიტანეს ოქმი, დანახვის საშუალება არ მომცა, თავის კაბინეტში შეიტანა და მომაძახა შემოდიო, შეგიძლია აქ ნახოო. რომ შევედი კაბინეტში დაიწყო ყვირილი, შენ ამ ოქმს მოიპარავო. თავმჯდომარემ კაბინეტიდან თმით გამომათრია“, – ყვება თეონა ჭალიძე.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.