სამცხე-ჯავახეთის უნივერსიტეტში ქალებს ღონისძიება მიუძღვნეს
18:24 / 06.03.2019
სამცხე-ჯავახეთის სახელმწიფო უნივერსიტეტში ლიტერატურულ-მხატვრული ღონისძიება გაიმართა.
სტუდენტებმა ქალისა და დედის შესახებ ლექსები წაიკითხეს. ღონისძიება ქალთა საერთაშორისო და დედის დღეს მიეძღვნა.
„ქალი, რომელსაც სიცოცხლე ჰქვია“ - ასე ერქვა ერთსაათიან ღონისძიებას, რომელსაც სტუდენტები, აკადემიური და ადმინისტრაციული პერსონალი ესწრებოდნენ.
საღამოს ორგანიზება უნივერსიტეტის საზოგადოებასთან ურთიერთობის განყოფილების თანამშრომლებმა გაუწიეს.
შეხვედრის ბოლოს, სტუდენტებმა დამსწრეებს ყვავილები დაურიგეს.