ენზელ მკოიანის ძმამ სათვალთვალო ვიდეოკამერებით გადაღებული მასალა გაავრცელა. მკოიანი აცხადებს, რომ აღნიშნული ფაქტის დამადასტურებელ
ვიდეომასალაში, ნათლად ჩანს, როგორც ესხმიან თავს ვაშაძის შტაბის წევრები მკოიანის ოჯახის კუთვნილ ბენზინგასამართ სადგურზე მომუშავე პირებს, პრეზიდენტობის კანდიდატ სალომე ზურაბიშვილის მხარდაჭერის შემთხვევაში, მათ ფიზიკური ანგარიშსწორებით ემუქრებიან და აზიანებენ ზურაბიშვილის სააგიტაციო მასალას.
„ეს არ ყოფილა სპონტანური თავდასხმა მხოლოდ ერთ ობიექტზე. ერთი და იმავე ავტომობილით მოძრავმა პირებმა ანალოგიური თავდასხმა სხვა ბენზინგასამართ სადგურებზეც განახორციელეს. ხოლო, 30 ოქტომბერს, მას შემდეგ, რაც ჩემმა მხარდამჭერებმა თავდამსხმელებისგან ახსნა-განმარტება მოითხოვეს, პასუხად კვლავ მუქარა და შეურაცხყოფა მიიღეს, რაც უკვე ფიზიკურ დაპირისპირებაში გადაიზარდა“, – აცხადებს ენზელ მკოიანი.
ახალქალაქისა და ნინოწმინდის მაჟორიტარი დეპუტატი საკუთარ წესიერებაზე ამახვილებს ყურადღებას და მედიასთან აცხადებს, რომ ოპოზიციას შურს, რადგან მას და მის ოჯახს ხალხის მხარდაჭერა აქვს.
,,მოიგონეს, რომ ჩხუბის დროს თითქოს მე იქ ვიყავი. მე „ნაციონალების“ ოფისთან ახლოს, სადღაც 50 მეტრში ვცხოვრობ, თუმცა კიდევ ერთხელ გეუბნებით, მე იქ არ ვყოფილვარ. ვაშაძე ჩემზე და ჩემი ოჯახის წევრებზე, ჩემს ძმაზე ამბობს, რომ კორუმპირებულები ვართ, რომ გადავჭამეთ ნინოწმინდა – ახალქალაქი, თუმცა მეც და ჩემი ძმაც უწესიერესი ადამიანები ვართ, შევსებული გვაქვს დეკლარაციები და ყველამ იცის, რასაც წარმოვადგენთ. ვერ ინელებენ იმას, რომ მოსახლეობის უდიდესი ნაწილის მხარდაჭერა გვაქვს“ – ამბობს ენზელ მკოიანია და ირწმუნება, რომ გამორიცხულია მისი „ნაციონალურ მოძრაობაში“ გადასვლა და მზად არის „ქართულ ოცნებასთან“ ერთად, არჩევნების მეორე ტურშიც მაქსიმალური მხარდაჭერა გამოხატოს სალომე ზურაბიშვილის მიმართ.
პარლამენტის დეპუტატი გაერთიანებული ოპოზიციის წევრის მხრიდან მუქარის ზარზეც საუბრობს.
„გიორგი ვაშაძემ დამირეკა და მითხრა, რომ ჯობია განცხადება დაწერო პოლიციაში, იმუნიტეტიც მოიხსნაო, თუ არადა ჩვენ რომ მოვალთ დედას გიტირებთ შენც და შენს ძმასაცო - მიშა რომ მოვაო, ჩვენ აუცილებლად მოვბრუნდებითო, მეორე ტურში გავიმარჯვებთო და მერე ვერაფერი ვერ გიშველითო საერთოდო, ორივე ძმასო. მე ამის აუდიოჩანაწერი გამაჩნია“, – აცხადებს ნინოწმინდის და ახალქალაქის გაერთიანებული ოლქის მაჟორიტარი დეპუტატი ენზელ მკოიანი.
ენზელ მკოიანი 1999 წლიდან დღემდე, უწყვეტად, პარლამენტის წევრია.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.