პოლიტიკა
ადიგენის მერის გათავისუფლებულ მოადგილეს უზენაესმა სასამართლომ სარჩელი არ დაუკმაყოფილა
ადიგენის მუნიციპალიტეტის მერის ყოფილ მოადგილეს მინდია ჯელიას, სამსახურში აღდგენასა და განაცდურის ანაზღაურებაზე უარი უთხრეს.
გადაწყვეტილება უზენაესმა სასამართლომ იანვარში მიიღო.

„უზენაესმა სასამართლომ პოლიტიკური გადაწყვეტილება მიიღო. ჩვენი დასაბუთება არ გაითვალისწინა, თავად კი არანაირი არგუმენტი არ აქვთ მოყვანილი. დარღვეულია ყველა უფლება. ეს არის ჩვენი უსამართლო სასამართლო“, - განაცხადა „მეცხრე არხთან“ მინდია ჯელიამ. 

ადიგენის მერმა მისი მოადგილე თანამდებობიდან 2016 წლის 20 თებერვალს გაათავისუფლა. ახალციხის რაიონულმა და სააპელაციო სასამართლომ მინდია ჯელიას სარჩელი დააკმაყოფილა, რომლითაც ის სამსახურში აღდგენას და განაცდურის ანაზღაურებას ითხოვდა. გადაწყვეტილება ადიგენის მერიამ უზენაესში გაასაჩივრა. ბოლო ინსტანციამ სარჩელი წარმოებაში ექვსი თვის წინ მიიღო, ერთი თვის წინ კი დაადგინა, რომ ადიგენის პირველ პირს მისი მოადგილის გათავისუფლების უფლება ჰქონდა.
Print
თეგები: მინდია ჯელია /