პოლიტიკა
ახალციხეში თვითმმართველობის კოდექსში შესატან ცვლილებებზე იმსჯელეს
22:31 / 08.04.2017
"ადგილობრივ თვითმმართველობათა ეროვნული ასოციაცია"(NALAG) თვითმმართველობათა ტერიტორიული ორგანოების სტატუსში შესატან ცვლილებებთან დაკავშირებით სამუშაო შეხვედრებს აგრძელებს.
მორიგი შეხვედრა გაიმართა ახალციხეშიც, რომელიც ადგილობრივ თვითმმართველობათა ასოციაციის პრეზიდენტმა დავით ჯიქიამ და ორგანიზაციის აღმასრულებელმა დირექტორმა დავით მელუამ გახსნეს. შეხვედრას სამცხე-ჯავახეთის სხვადასხვა მუნიციპალიტეტის ხელმძღვანელი პირები, თვითმმართველობის საკითხებზე მომუშავე არასამთავრობო ორგანიზაციის წარმომადგენლები და ექსპერტები დაესწრნენ.
მხარეებმა ადგილობრივი თვითმმართველობის კოდექსში შესატან ცვლილებებზე, მუნიციპალიტეტების ინსტიტუციური მოწყობის საკითხებზე, თვითმმართველი ქალაქების, სოფლების, დაბების როლსა და ფუნქციებზე, ასევე დეცენტრალიზაციასა და თვითმმართველობების განვითარების მიმართულებით გასატარებელი რეფორმების განხორციელებაზე იმსჯელეს.
ასოციაციის ინფორმაციით, შეხვედრების მიზანი სამუშაო ჯგუფში შემავალი პირების ხედვებისა და პოზიციების მოსმენაა, რომელთა შეჯერების შემდეგ ადგილობრივ თვითთმართველობათა ასოციაცია საქართველოს მთავრობას რეკომენდაციით მიმართავს, რათა მათი ასახვა საქართველოს ორგანულ კანონში „ადგილობრივ თვითმმართველობის კოდექსი“ მოხდეს, რომელიც მაქსიმალურად იქნება მორგებული ადგილობრივი თვითმმართველობის ინტერესებთან. სამუშაო შეხვედრა გაეროს განვითარების პროგრამის(UNDP) მიერ დაფინანსებული პროექტის ფარგლებში გაიმართა.
შეგახსენებთ, რომ „საქართველოს ადგილობრივ თვითმმართველობათა ეროვნული ასოციაცია“ (NALAG) ერთადერთი ორგანიზაციაა, რომელიც საქართველოს ყველა თვითთმართველ ერთეულს აერთიანებს.
ადგილობრივ თვითმმართველობათა ეროვნულმა ასოციაციამ (NALAG) მსგავსი სახის შეხვედრები უკვე გამართა თელავში, რუსთავში, მცხეთასა და გორში, უახლოეს პერიოდში კი სხვა მუნიციპალიტეტებშიც ჩატარდება.
მორიგი შეხვედრა გაიმართა ახალციხეშიც, რომელიც ადგილობრივ თვითმმართველობათა ასოციაციის პრეზიდენტმა დავით ჯიქიამ და ორგანიზაციის აღმასრულებელმა დირექტორმა დავით მელუამ გახსნეს. შეხვედრას სამცხე-ჯავახეთის სხვადასხვა მუნიციპალიტეტის ხელმძღვანელი პირები, თვითმმართველობის საკითხებზე მომუშავე არასამთავრობო ორგანიზაციის წარმომადგენლები და ექსპერტები დაესწრნენ.
მხარეებმა ადგილობრივი თვითმმართველობის კოდექსში შესატან ცვლილებებზე, მუნიციპალიტეტების ინსტიტუციური მოწყობის საკითხებზე, თვითმმართველი ქალაქების, სოფლების, დაბების როლსა და ფუნქციებზე, ასევე დეცენტრალიზაციასა და თვითმმართველობების განვითარების მიმართულებით გასატარებელი რეფორმების განხორციელებაზე იმსჯელეს.
ასოციაციის ინფორმაციით, შეხვედრების მიზანი სამუშაო ჯგუფში შემავალი პირების ხედვებისა და პოზიციების მოსმენაა, რომელთა შეჯერების შემდეგ ადგილობრივ თვითთმართველობათა ასოციაცია საქართველოს მთავრობას რეკომენდაციით მიმართავს, რათა მათი ასახვა საქართველოს ორგანულ კანონში „ადგილობრივ თვითმმართველობის კოდექსი“ მოხდეს, რომელიც მაქსიმალურად იქნება მორგებული ადგილობრივი თვითმმართველობის ინტერესებთან. სამუშაო შეხვედრა გაეროს განვითარების პროგრამის(UNDP) მიერ დაფინანსებული პროექტის ფარგლებში გაიმართა.
შეგახსენებთ, რომ „საქართველოს ადგილობრივ თვითმმართველობათა ეროვნული ასოციაცია“ (NALAG) ერთადერთი ორგანიზაციაა, რომელიც საქართველოს ყველა თვითთმართველ ერთეულს აერთიანებს.
ადგილობრივ თვითმმართველობათა ეროვნულმა ასოციაციამ (NALAG) მსგავსი სახის შეხვედრები უკვე გამართა თელავში, რუსთავში, მცხეთასა და გორში, უახლოეს პერიოდში კი სხვა მუნიციპალიტეტებშიც ჩატარდება.