ახალციხის მუნიციპალიტეტის მერიამ, მერის წარმომადგენლებისა და მათი ასისტენტების პოზიციებზე, კონკურსი გამოაცხადა.

თვითმმართველობაში 36 ვაკანტური ადგილია. აქედან  19 მერის წარმომადგენლის, 17 კი ასისტენტის პოზიციაზე.

მერიამ კონკურის საჯარო სამსახურის ბიუროს ვებ–გვერდზე 6 თებერვალს გამოაცხადა. განცხადების წარდგენის ბოლო ვადა 15 თებერვალია.

კონკურსი სამეტაპიანია – განცხადების გადარჩევა, ზეპირი დავალება და გასაუბრება.

საბოლოო გადაწყვეტილებას კომისია ქულათა სისტემით, განცხადების წარდგენის ვადის დასრულებიდან არაუგვიანეს 3 თვეში მიიღებს.

შერჩეული აპლიკანტები პოზიციაზე 12–თვიანი გამოსაცდელი ვადით დაინიშნებიან.