ახალციხეში ხეების ნაწილს ბელავენ, ხმელებს კი ჭრიან.
სამუშაოები რუსთაველის ქუჩაზე თითქმის დასრულებულია. აქ ტირიფები სრულად გადაიბელა.
საგაზაფხულო ჭრები ზაფხულში რომ ხორციელდება, ამაზე თვითმმართველობას სამცხე–ჯავახეთის სახელმწიფო უნივერსიტეტის რექტორის მოადგილემ, მერაბ ბერიძემ უსაყვედურა.
"გაოცებული ვარ ამ უაზრო ჭრით. თუ ეს საგაზაფხულო ჭრა არის, შუა ზაფხულში როგორ შეიძლება. თუ ეს არ არის, მაშინ რატომ ჭრიან. ბევრი კითხვის ნიშანია. ბევრი რამ კეთდება, მაგრამ გაკეთდეს წესების მიხედვით ისე, რომ ეს ჩარჩოებში იყოს ჩასმული. რომელი მეურნე კაცი მოჭრის თავისი ხელით შუა ზაფხულში ხეს", – განაცხადა მერაბ ბერიძემ სამოქალაქო მრჩეველთა საბჭოს სხდომაზე.
ზაფხული ხეების გადაბელვისთვის შეუსაბამო დროდ, ახალციხის მერმაც აღიარა. მერიამ ტენდერი 200–მდე ხის გადაბელვაზე გამოაცხადა, თუმცა ამ დრომდე, მხოლოდ 60 ხეა გადაჭრილი. ზაზა მელიქიძის განმარტებით, მხოლოდ ხმელი და ხანდაზმული ხეები მოიჭრა, რომლებიც ავტომობილებსა და ქვეითებს საფრთხეს უქმნიდა.
ახალციხის მუნიციპალიტეტის ტერიტორიაზე ხეების გადაბელვის, დამორვისა და ტრანსპორტირებისთვის გამოცხადებულ ტენდერში, შპს კავკასიმ 24 081 ლარით გაიმარჯვა. კომპანიასთან ხელშეკრულება 11 მაისს გაფორმდა, თუმცა ხეების ჭრა ივნისში დაიწყო.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.