საზოგადოება
გმირები, რომლებიც აგვისტოს ომში სამცხე–ჯავახეთიდან დაიღუპნენ
12:54 / 07.08.2018
საქართველო აგვისტოს ომის მეათე წლისთავს აღნიშნავს.
ქვეყანაში რუსული ინტერვენციის შედეგად დაიღუპა საქართველოს 228 მშვიდობიანი მოქალაქე, 14 პოლიციელი, ხოლო 1 747 დაიჭრა. სახლები დატოვა თითქმის 150 000-მა ადამიანმა, მათგან დღემდე დევნილობაში რჩება 30 000-მდე.
რაც შეეხება ომში დაღუპულ სამხედრო მოსამსახურეებს, თავდაცვის სამინისტროს მონაცემებით, სულ დაღუპულად 169 სამხედრო მიიჩნევა, აქედან ხუთი უგზო-უკვლოდ დაკარგულია.
სამცხე–ჯავახეთიდან აგვისტოს ომში ექვსი სამხედრო მოსამსახურე დაიღუპა.
სამი ადიგენის, ერთი ახალციხის, ერთი ასპინძის და ერთი ახალქალაქის მცხოვრები: ანზორ გელდიაშვილი, ტარიელ ქამაშიძე, ალექსანდრე ზაზაშვილი, არტემ ბალახაშვილი, დევი ჩადუნელი და თამაზ მელიქიძე.