,,ქალაქს პატრონი არ ჰყავს" – ახალციხელები დაზიანებული გზების გამო ჩივიან
09:13 / 25.10.2018
,,მაღაზიაში რომ იყიდი ორ ლარიან საღებავს, რა თქმა უნდა ეგ არ გაჩერდება ასფალტზე“ – ახალციხის მოსახლეობა დაზიანებული გზების შესახებ ჩივის.
მალხაზ გაბოძეს მანქანა დღე–გამოშვებით სახელოსნოში დაყავს. ამბობს, რომ ქალაქის დაზიანებულ გზებთან ერთად საგზაო ნიშნებიც გადაშლილია, რის გამოც სამართალდამცველებთან კონფლიქტი არაერთხელ მოსვლია.
გზაზე გაჩენილი ორმოების გამო მძღოლები გადააგილებისას შექმნილი პრობლემების შესახებ ჩივიან, ამბობენ, რომ ავტომანქანები უზიანდებათ და ავტონაწილების ხშირი შეცვლა/შეკეთება უწევთ.
გადათხრილი სავალი გზისა და გადაშლილი საგზაო ნიშნების გარდა, ადგილობრივები არასწორად დახაზულ ზებრებსაც აპროტესტებენ.
ახალციხის ვიცემერი მიმდინარე ინფრასტრუქტურულ პროექტებზე საუბრობს და მოსახლეობას შექმნილი პრობლემის მოგვარებას 2019 წლისთვის ჰპირდება. გურამ მელიქიძის განცხადებით, ამ დრომდე სავალი გზების მხოლოდ ორმული დამუშავება ხდებოდა, გამოცხადებული ტენდერით კი ახალი საფარის დაგება მოხდება.
ტენდერში გამარჯვებული კომპანია ,, საგზაო სამშენებლო სამმართველო №2“ ამ ეტაპზე ორი ქუჩის რეაბილიტაციას უზრუნველყოფს. რუსთაველისა და კოსტავას ქუჩის რეაბილიტაციისთვის სულ 677 414 ლარია გამოყოფილი. როგორც, გურამ მელიქიძე აღნიშნავს, ქუჩების ორმული დამუშავება ნოემბრის თვისთვის დასრულდება. ვიცემერის განმარტებით, გზის საფარის დაგების შემდეგ გზებზე საგზაო ნიშნებსაც დაიტანენ.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.