დევნილებისთვის გადაცემული სახლები, სადაც ტრანსპორტს არასოდეს უვლია
17:10 / 23.03.2019
სამი შვილის დედა ნათია პაპავა ახალციხეში, ე.წ. დევნილთა დასახლების უბანში ცხოვრობს. ყოველდღე 7 საათზე დგება, იმისათვის, რომ შვილები ასაუზმოს,
სკოლისთვის მოამზადოს და დაახლოებით 200 მეტრის მანძილი ცენტრალურ გზამდე ფეხით გაიაროს, რათა პატარები სკოლამდე გამვლელი ავტობუსით ამგზავროს.
,,მინაძის, ასპინძის და აქაური სოფლების ავტობუსებს ხშირად მივყვებით. სახლიდან ადრე გავდივართ, რომ გამვლელ ტრანსპორტს მივუსწროთ. კარგი იქნება, თუ ადგილობრივი ხელისუფლება ჩვენ დასახლებაში ტრანსპორტს დანიშნავს" - ყვება ნათია პაპავა.
დაზიანებული გზა და საზოგადოებრივი ტრანსპორტის არარსებობა ახალციხეში მცხოვრები დევნილების უბანში ყოველდღიურ პრობლემას წარმოადგენს. ე.წ. ,,დევნილთა დასახლებაში" 70 ოჯახში 50-მდე მცირეწლოვანი ცხოვრობს.
გზის პრობლემის მიუხედავად, ნაზია მიქაიას ოთხი შვილიშვილი ტაქსით სკოლაში ხშირად დაჰყავს. ,,დილით ძალიან ცივა, შვილიშვილებს გზაზე ვერ დავაყენებ, ტრანსპორტიც არ გვყავს, ამიტომ იძულებული ვარ ტაქსით ვატარო ბავშვები" - ამბობს დევნილი ნაზია.
აფხაზეთიდან დევნილ ოჯახს, რუსთაველის 113 ნომერში ბინა 2015 წელს გადაეცა. ხუთი შვილის დედა, ხალიმა ლეჟავასთვის, ქალაქიდან მოშორებით მდებარე საცხოვრებელი ბევრ პრობლემას უქმნის. ქვეითთა გადასასვლელები, საავტომობილო გზა და საზოგადოებრივი ტრანსპორტი მოსახლეობისთვის კვლავ მოუგვარებელ პრობლემად რჩება. შექმნილი ვითარების გამო მოსახლეობა დახმარებას ითხოვს.
,,იმის გამო, რომ ტრანსპორტი არ დადის, ხშირად ბავშვებს სკოლასა და ბაღშიც ვერ ვუშვებთ, სოციალურად დაუცველები ვართ და ტაქსის ფული არ გვაქვს" - ამბობს ხალიმა ლეჟავა.
,,ტაქსის ფულიც არ მაქვს, რომ ყოველდღე კილომეტრები ვიაროთ. ვითხოვთ, ჩვენი გულისტკივილი ახლოს მიიტანოს ხელისუფლებამ და ყურადღება მოგვაქციოს" - წუხს ირმა ჩაკაბერია.
,,დევნილთა უბანში" მცხოვრები მოსახლეობა საზოგადოებრივი ტრანსპორტის დანიშვნას და საავტომობილო გზის პრობლემის მოგვარებას მეოთხე წელია ითხოვს.
ახალციხეში საზოგადოებრივი ტრანსპორტი ყოველ ნახევარ საათში ცენტრალურ ქუჩებზე გადაადგილდება. დღის პირველ მონაკვეთში ქალაქს სამი, ხოლო შუადღეს ორი მიკროავტობუსი ემსახურება. შაბათ-კვირას ტრანსპორტი მხოლოდ დილის საათებში მოძრაობს.
,,მერია თუ მოითხოვს ტრანსპორტს ამ უბანშიც შევიყვანთ, ამისთვის სამარშრუტო სქემა უნდა შეიცვალოს. თუმცა ამ დასახლებასთან 200 მეტრამდე მანძილზე საქალაქო ტრანსპორტი მიდის" - ამბობს TV9NEWS.GE-სთან შპს ,,ჯეოტივის" დირექტორი ნუგზარ მამუკაშვილი.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.