სპორტი
ცხრა სპორტსმენი, ცხრა მედალი - ახალციხელი მძლეოსნების შედეგი ეროვნულ ჩემპიონატზე
ახალციხელი მძლეოსნები საქართველოს ეროვნული ჩემპიონატიდან საპრიზო ადგილებით დაბრუნდნენ. ახალციხის ნაკრებმა გუნდურ ჩათვლაში II ადგილი დაიკავა. ამის გარდა, ინდივიდუალურ ასპარეზობაში ცხრავე სპორტსმენმა საპრიზო ადგილი დაიკავა. ჩემპიონატიდან ორი ოქროს, სამი ვერცხლისა და ოთხი ბრინჯაოს მედლით დაბრუნდნენ.

ჩემპიონატში ახალციხის სახელით მონაწილეობდნენ: მარი კაპანაძე, გაიანე უსტიანი, ჰასმიკ მარკარიანი, ქეთი იაკობიძე .ასია ჩარუხჩიანი, მინდია ენდელაძე. ჟორა მანველიანი, შალვა ლეკიშვილი და გიორგი ნათენაძე. 

ზამთრის ღია ეროვნული ჩემპიონატი თბილისში, 18, 19 და 20 თებერვალს გაიმართა. მასში მონაწილეობდნენ სპორტსმენები საქართველოს სხვადასხვა ქალაქიდან და სომხეთიდან. მძლეოსნობაში ეროვნული ჩემპიონატი წელიწადში ორჯერ იმართება - ზამთარსა და ზაფხულში.

ფოტო: ახალციხის მუნიციპალიტეტის მერია
| Print |