Վլադիմիր Պուտինը հրամանագիր է ստորագրել Ռուսաստանի զինված ուժերի հաստիքային թվաքանակը սահմանելու մասին՝ հայտնել են Կրեմլից։ Փաստաթղթի համաձայն՝ այն ավելանում է գրեթե 170 հազար ծառայողով՝ հասնելով 2 209 130-ի, որոնցից 1 320 000-ը՝ զինծառայող։ Փաստաթուղթն ուժի մեջ է մտել ստորագրման օրվանից:

Կրեմլի տվյալներով՝ այժմ նրանց ընդհանուր անձնակազմը կկազմի 2 209 130։

Պուտինը նաև հանձնարարել է Ռուսաստանի կառավարությանը՝ ապահովել պաշտպանության նախարարության համար բյուջետային հատկացումների հատկացումը դաշնային բյուջեից։

Ռուսաստանի պաշտպանության նախարարության պարզաբանմամբ՝ զինծառայողների թվաքանակի ավելացումն իրականացվում է փուլ առ փուլ՝ այն քաղաքացիների հաշվին, որոնք ցանկություն են հայտնում անցնել պայմանագրային զինվորական ծառայության: Նշվում է, որ պարտադիր զինծառայության զորակոչի էական ավելացում չի նախատեսվում։ Պաշտպանական գերատեսչությունից հայտնել են, որ Ռուսաստանում զորահավաք ևս չի նախատեսվում: