Ըստ Galt & Taggart-ի կանխատեսման՝ այս տարեվերջին և հաջորդ տարի լարիի միջին արժեքը դոլարի նկատմամբ ակնկալվում է 2,7-ի սահմաններում։

Ներդրումային ընկերության գնահատմամբ՝ 2023 թվականի հոկտեմբերի ընթացքում լարին դոլարի նկատմամբ փոքր-ինչ արժեզրկվել է, թեև տարեսկզբի համեմատ կայուն է։

«Չնայած բարդ աշխարհաքաղաքական համատեքստին, լարիի կայունությունը պայմանավորված է ուժեղ հիմնարար գործոններով, ինչպիսիք են արտարժույթի ներհոսքերը, բարձր տնտեսական աճը և առողջ հարկաբյուջետային պարամետրերը: Մեր կանխատեսմամբ՝ այս տարեվերջին և հաջորդ տարի ակնկալվում է, որ դոլարի նկատմամբ լարիի միջին արժեքը կլինի 2,7-ի սահմաններում»,- ասվում է Galt & Taggart-ի վերանայման մեջ։