Առողջապահություն
Կորոնավիրուսի դեմ պատվաստանյութի արդյունավետությունն ապացուցված է. Պուտինը` դստեր մասին
30.08.2020
Ռուսաստանցի մասնագետները համոզված են, որ պատվաստանյութը նոր վիրուսի նկատմամբ կայուն դիմադրողականություն է ձևավորում։
Ռուսաստանի նախագահ Վլադիմիր Պուտինը «Ռոսիա 24» հեռուստաալիքին տված հարցազրույցում ասել է, որ կորոնավիրուսի դեմ ռուսական պատվաստանյութի արդյունավետությունը լիովին ապացուցված է։
Նա նշել է, որ Ռուսաստանի ութ շրջանների բնակչության ավելի քան 25 տոկոսի մոտ վիրուսի հանդեպ դիմադրողականություն է ձևավորվել:
Ռուսական «Սպուտնիկ-V» պատվաստանյութն աշխարհում առաջին պաշտոնապես գրանցված դեղամիջոցն է կորոնավիրուսի դեմ։
Պուտինի խոսքով՝ դեղամիջոցի գրանցումը միանգամայն հիմնավորված է եղել, քանի որ այն անցել էր նախակլինիկական և կլինիկական փորձարկումները:
«Մենք նախակլինիկական և կլինիկական փորձարկումներ անցկացրինք կենդանիների ու կամավորների վրա։ Եվ այսօր մեր մասնագետների համար միանգամայն ակնհայտ է, որ այդ պատվաստանյութը կայուն դիմադրողականություն է ձևավորում»,-ասել է նա։
Նախագահի դուստրերից մեկը փորձարկել է պատվաստանյութը և արդեն իրեն լավ է զգում։ Սկզբում նա բարձր ջերմություն է ունեցել, բայց դա եղել է դեղամիջոցի սպասվող կողմնակի ազդեցությունների շրջանակում։
«Նա մեծ թվով մարդկանց հետ է շփվում և նորմալ աշխատելու համար պետք է, որ իրեն պաշտպանված զգա»,-պարզաբանել է Պուտինը։
Ռուսաստանում մշակման փուլում է ևս մեկ պատվաստանյութ, որը պետք է պատրաստ լինի սեպտեմբերին։
«Համոզված եմ, որ մասնագետները հրաշալի դեղամիջոց կստանան, որը կօգնի մարդկանց»,-ասել է ՌԴ նախագահը։
Անգամ նոր վարակակիրների ի հայտ գալու դեպքում երկրում բավականաչափ մահճակալներ ու բավականաչափ դեղեր կան բոլոր հիվանդներին ապահովելու համար։
«Մեր մասնագետներն արդեն հասկանում են, թե ինչ և ինչպես պետք է անեն, որ հիվանդությունը հնարավորինս մեղմ ընթանա՝ առանց լուրջ հետևանքների։ Ձեռք բերված գիտելիքների այս ամբողջ հավաքածուն մենք անկասկած հետագայում կօգտագործենք»,-եզրափակել է Պուտինը։
Հիշեցնենք, որ «Սպուտնիկ-V» պատվաստանյութը մշակել է ՌԴ ԱՆ Գամալեայի անվան համաճարակաբանության և միկրոկենսաբանության գիտահետազոտական կենտրոնը։
Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում:
Համաշխարհային վիճակագրությունների Worldometer կայքի տվյալներով՝ օգոստոսի 27-ի դրությամբ աշխարհում կորոնավիրուսով վարակվելու հաստատված դեպքերի թիվը հասել է 24,3 միլիոնի։ Համավարակի զոհ է դարձել ավելի քան 830 հազար մարդ։
Ռուսաստանի նախագահ Վլադիմիր Պուտինը «Ռոսիա 24» հեռուստաալիքին տված հարցազրույցում ասել է, որ կորոնավիրուսի դեմ ռուսական պատվաստանյութի արդյունավետությունը լիովին ապացուցված է։
Նա նշել է, որ Ռուսաստանի ութ շրջանների բնակչության ավելի քան 25 տոկոսի մոտ վիրուսի հանդեպ դիմադրողականություն է ձևավորվել:
Ռուսական «Սպուտնիկ-V» պատվաստանյութն աշխարհում առաջին պաշտոնապես գրանցված դեղամիջոցն է կորոնավիրուսի դեմ։
Պուտինի խոսքով՝ դեղամիջոցի գրանցումը միանգամայն հիմնավորված է եղել, քանի որ այն անցել էր նախակլինիկական և կլինիկական փորձարկումները:
«Մենք նախակլինիկական և կլինիկական փորձարկումներ անցկացրինք կենդանիների ու կամավորների վրա։ Եվ այսօր մեր մասնագետների համար միանգամայն ակնհայտ է, որ այդ պատվաստանյութը կայուն դիմադրողականություն է ձևավորում»,-ասել է նա։
Նախագահի դուստրերից մեկը փորձարկել է պատվաստանյութը և արդեն իրեն լավ է զգում։ Սկզբում նա բարձր ջերմություն է ունեցել, բայց դա եղել է դեղամիջոցի սպասվող կողմնակի ազդեցությունների շրջանակում։
«Նա մեծ թվով մարդկանց հետ է շփվում և նորմալ աշխատելու համար պետք է, որ իրեն պաշտպանված զգա»,-պարզաբանել է Պուտինը։
Ռուսաստանում մշակման փուլում է ևս մեկ պատվաստանյութ, որը պետք է պատրաստ լինի սեպտեմբերին։
«Համոզված եմ, որ մասնագետները հրաշալի դեղամիջոց կստանան, որը կօգնի մարդկանց»,-ասել է ՌԴ նախագահը։
Անգամ նոր վարակակիրների ի հայտ գալու դեպքում երկրում բավականաչափ մահճակալներ ու բավականաչափ դեղեր կան բոլոր հիվանդներին ապահովելու համար։
«Մեր մասնագետներն արդեն հասկանում են, թե ինչ և ինչպես պետք է անեն, որ հիվանդությունը հնարավորինս մեղմ ընթանա՝ առանց լուրջ հետևանքների։ Ձեռք բերված գիտելիքների այս ամբողջ հավաքածուն մենք անկասկած հետագայում կօգտագործենք»,-եզրափակել է Պուտինը։
Հիշեցնենք, որ «Սպուտնիկ-V» պատվաստանյութը մշակել է ՌԴ ԱՆ Գամալեայի անվան համաճարակաբանության և միկրոկենսաբանության գիտահետազոտական կենտրոնը։
Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում:
Համաշխարհային վիճակագրությունների Worldometer կայքի տվյալներով՝ օգոստոսի 27-ի դրությամբ աշխարհում կորոնավիրուսով վարակվելու հաստատված դեպքերի թիվը հասել է 24,3 միլիոնի։ Համավարակի զոհ է դարձել ավելի քան 830 հազար մարդ։