Չափից շատ հարցեր կան իմ ծրագրերի, ընդհանրապես մեր ծրագրերի վերաբերյալ: Ես ուզում եմ, որ բոլորը մի բան հասկանան, մենք աշնանային հանրաքվեից առաջ լուրջ անակնկալ ենք պատրաստում Իվանիշվիլիի և նրա կողմնակիցների համար, – այս մասին «ֆեյսբուքում» գրել է Վրաստանի նախկին նախագահ, Ուկրաինայի բարեփոխումների գործադիր հանձնաժողովի նախագահ, Միխեիլ Սաակաշվիլին:

Նրա խոսքով, այս անակնկալը հաճելի կլինի վրացի ժողովրդի մեծ հատվածի համար:

«Ես սա ասում եմ բավականին լուրջ: Եվ մենք հաճելի անակնկալ ենք պատրաստում վրաց ժողովրդի համար: Ոմանք ուրախ կլինեն, և դա կլինի մի քանի միլիոն վրացի, 100 մարդ, 200-500 մարդ կնեղվի: Բայց ինչպես ասում էր Վրաստանի նախկին նախագահներից մեկը, բոլորը, ովքեր վիրավորված են, պետք է սառը ջուր խմեն», – գրել է Միխեիլ Սաակաշվիլին: