Վրաստանի վարչապետ Գիորգի Գախարիայի հայտարարությամբ՝ ավելանում է այն բնակավայրերի քանակը, որոնք ունեն բարձրլեռնային շրջանի կարգավիճակ:
Մասնավորապես, վարչապետի հայտարարությամբ Գորիի, Դուշեթիի, Թիանեթիի, Ասպինձայի և Դմանիսիի մունիցիպալիտետներին, ինչպես նաև Գոմիի սարին կտրվի բարձրլեռնային շրջանի կարգավիճակ:

Գախարիայի հայտարարությամբ՝ ընդհանուր առմամբ բարձրլեռնային բնակավայրի կարգավիճակ են ստանում 59 բնակավայրեր, որոնցից 19-ը գտnվում են Ցխինվալիի շրջանի շփման գծի երկայնքում:

Մինչ այժմ բարձրլեռնային շրջաններում ապրողի կարգավիճակ ունի Վրաստանի 246 000 քաղաքացի, որոնց այսօրվա որոշման արդյունքում ավելանում է ևս 26 000 քաղաքացի:

Հատկանշական է, որ բարձրլեռնային շրջանի կարգավիճակ ունեցող բնակավայրերում մշտապես բնակվող անձինք օգտվում են եկամտահարկի և գույքահարկի արտոնություններից և այլ օգնություններից: Ալիք Մեդիա