Վրաստանը սկսում է ուսանողների համար դրամաշնորհային ֆինանսավորումը` սոցիալական ծրագրերի շրջանակներում` հայտնում է Կրթության նախարարության մամուլի ծառայությունը: Գրում է Ալիք Մեդիան:

Ֆինանսավորման հայտ կարելի է ներկայացնել նախարարության հարթակում` սեպտեմբերի 10 -ից հոկտեմբերի 1 -ը` մինչև 18:00:

Դրամաշնորհին կարող են հավակնել մի քանի կատեգորիայի ուսանողներ, որոնք բուհ են ընդունվել Միացյալ ազգային քննությունների արդյունքների հիման վրա.

• Բարձր լեռնային շրջանների դպրոցների շրջանավարտներ
• Օկուպացված տարածքներից ուսանողներ
• Հայալեզու և ադրբեջանալեզու դպրոցների շրջանավարտներ
• Տարածքային ամբողջականության համար պատերազմական գործողությունների հետևանքով զոհվածների երեխաներ կամ ծանր ֆիզիկական թերություններ ունեցող վետերաններ կամ նրանց երեխաներ
• Ծնողազուրկ ուսանողներ
• Բազմանդամ ընտանիքների անդամներ (չորս և ավելի երեխա)
• Պետական խնամքի տակ գտնվող ուսանողներ
• Հայրենադարձի կարգավիճակ ունեցող ուսանողներ
• Հաշմանդամություն ունեցող ուսանողներ
• Աուտիզմ ունեցող անձինք
• Շփման գծերի հարևանությամբ գտնվող դպրոցների շրջանավարտներ
• Սոցիալապես անապահով ընտանիքների ուսանողներ (70 հազար և ցածր վարկանիշային միավոր):