2022 թվականին, 2021 թվականի համեմատ, նկատվում է ճանապարհատրանսպորտային պատահարների և դրա հետևանքով զոհերի և վիրավորների թվի նվազման միտում,- այս մասին ասված է կառավարության տարեկան զեկույցում, որն արդեն ներկայացվել է խորհրդարան։

Փաստաթղթում նշվում է, որ 2022 թվականին 2021 թվականի համեմատությամբ ճանապարհատրանսպորտային պատահարների թիվը նվազել է 7%-ով, մահացու ելքով՝ 4%-ով, իսկ վիրավորներինը՝ 2%-ով։

Կառավարության տվյալներով՝ հաշվետու ժամանակահատվածում հանցավորության կանխարգելման, հասարակական և ճանապարհային անվտանգության մակարդակը բարձրացնելու նպատակով տեղադրվել է 1309 տեսախցիկ՝ 969-ը՝ ընդհանուր տեսողության, 340-ը՝ պետհամարանիշների ճանաչման։

«Այսօրվա դրությամբ ամբողջ հանրապետությունում տեղադրված է 6765 տեսախցիկ՝ 4572-ը՝ ընդհանուր տեսողության, իսկ 2193-ը՝ համարանիշների ճանաչման համար»,- նշված է նախագծում։