Ներքին գործերի նախարարության աշխատակիցները Թբիլիսիում և Աջարիայում վերջին օրերին ձեռնարկված օպերատիվ միջոցառումների և քննչական գործողությունների արդյունքում թմրանյութային հանցագործությունների համար ձերբակալել են հինգ անձի, հայտնում է ՆԳ նախարարությունը։ Նրանց խոսքով՝ հանցագործությունները պատժվում են մինչև 20 տարի ժամկետով կամ ցմահ ազատազրկմամբ։

«Ոստիկանները կանխել են նաև ինտերնետով թմրամիջոցների ապօրինի իրացման փաստերը՝ առգրավել են տարբեր վայրերում հետագա վաճառքի համար դրված թմրանյութեր, երեք հոգու ձերբակալել։

Աջարիայի ոստիկանության Քոբուլեթիի շրջանային բաժնի ծառայողները բերման են ենթարկել նախկինում տարբեր հանցագործությունների համար դատապարտված, 1975 թվականին ծնված Ի.Մ.-ին։ Նա ձերբակալվել է մեծ քանակությամբ թմրամիջոցների ապօրինի ձեռքբերման, պահպանման և իրացման մի քանի մեղադրանքով։ Ոստիկանները նրա անձնական խուզարկության արդյունքում բուպրենորֆին պարունակող թմրանյութ են առգրավել։ Բացի այդ, Չաքվի քաղաքում Ի.Մ.-ի տնօրինությամբ առգրավվել է նրա կողմից հետագա վաճառքի նպատակով տարբեր վայրերում տեղադրված թմրանյութը։

Թմրամիջոցների իրացման խմբակային նախապատրաստման մեղադրանք է առաջադրվել Թբիլիսիում ոստիկանության Թբիլիսիի գլխավոր վարչության Գլդանի-Նաձալադևի բաժնի ծառայողների կողմից բերման ենթարկված 2 անձի՝ 1998 թվականին ծնված Ս.Ց.-ին և 1995 թվականին ծնված Ն.Մ.-ին.

Թբիլիսիում՝ Նաձալադևի թաղամասում, իրավապահները որպես ապացույց առգրավել են մեղադրյալի կողմից հետագա վաճառքի համար դրված թմրանյութը։

Ոստիկանության Թբիլիսիի բաժնի հետաքննչական գլխավոր բաժնի ծառայողները թմրանյութային հանցագործությունների համար բերման են ենթարկել 1988 թվականին ծնված Զ.Ղ.-ին։ Նա մեղադրվում է խոշոր չափերով թմրամիջոցների ապօրինի ձեռքբերման և պահպանման, հատկապես մեծ քանակությամբ թմրամիջոց պարունակող բույսի ապօրինի աճեցման, մեծ քանակությամբ «մարիխուանա» ապօրինի ձեռք բերելու և պահելու և հրազեն ապօրինի գնելու և պահելու մեջ։

Ձերբակալվածի բնակարանի խուզարկությամբ իրավապահները որպես ապացույց առգրավել են՝ հրազեն, նրա կողմից մշակված մինչև 4 կիլոգրամ թմրամիջոց՝ «մարիխուանա», ինչպես նաև տարբեր տեսակի թմրամիջոցներ։

ՆԳ նախարարության կենտրոնական քրեական ոստիկանության ծառայողները առանձնապես խոշոր չափի թմրամիջոց ապօրինի ձեռք բերելու և պահելու և հատկապես մեծ քանակությամբ թմրամիջոց պարունակող բույսի ապօրինի աճեցման մեղադրանքով բերման են ենթարկել 1981 թվականին ծնված Թ.Թ.-ին։ Նա ձերբակալվել է Թբիլիսիում։

Մեղադրյալի տանը խուզարկությամբ իրավապահները առգրավել են 1 տուփ չորացրած «մարիխուանա», 2 տուփ «MDMA», ջերմոցից հանել են կանեփի 39 արմատ՝ թմրամիջոց պարունակող բույսը մշակելու համար։

Հետաքննությունը ընթանում է՝ Վրաստանի ՔՕ 260 հոդվածով, Վրաստանի ՔՕ 19-260 հոդվածով, Վրաստանի ՔՕ 265 հոդվածով, Վրաստանի ՔՕ 273 հոդվածով, Վրաստանի ՔՕ 18-273 հոդվածով» ,- ասվում է ՆԳՆ-ի հաղորդագրությունում։