Ռուսաստանի տնտեսությունը պատերազմի պատճառով կկորցնի 190 միլիարդ դոլար. Bloomberg
Մինչև 2026 թվականը Ռուսաստանի տնտեսությունը կարող է կորցնել 190 միլիարդ դոլարի ներքին արդյունք։ Այս մասին ասվում է Bloomberg-ի վերլուծական նյութում։
Փորձագետները գրում են, որ ճիշտ է, փետրվարի 24-ին Ուկրաինայի դեմ պատերազմի սկսվելուց հետո ռուսական տնտեսության փլուզում տեղի չունեցավ, սակայն ներկայումս Ռուսաստանը անցնում է «գոյատեւման ռեժիմի»։ Անցած տարեվերջին նրա տնտեսական հնարավորությունները կտրուկ կրճատվեցին, ինչը Մոսկվայի դեմ միջազգային պատժամիջոցների արդյունք է։
Bloomberg-ը գրում է, որ պատժամիջոցների գործընթացը դեռ չի ավարտվել, և Ռուսաստանի դեմ նոր պատժամիջոցներ են սահմանվում։ Տնտեսական իրավիճակը ֆեդերացիայում կբարդանա, քանի որ հարյուր հազարավոր մարդկանց մոբիլիզացիան «քանդում է աշխատաշուկան», իսկ կառավարությունը ավելացնում է սոցիալական ծրագրերի ծախսերը։ Միաժամանակ նավթի արդյունահանումը նվազում է։
Կիևի տնտեսագիտական դպրոցի տվյալների համաձայն՝ արտասահմանյան ընկերությունների գրեթե 6%-ն ամբողջությամբ լքել է ռուսական շուկան։ Ընկերությունների մոտ 38%-ը հայտարարել է ռուսական շուկայից դուրս գալու մասին, իսկ 16,1%-ը սպասում է այս գործընթացին։
Ըստ Castellum-ի՝ պատժամիջոցների մոնիտորինգի գլոբալ տվյալների բազայի, 2022 թվականի փետրվարի վերջից ավելի քան 10900 սահմանափակումներ են մտցվել Ռուսաստանի դեմ, իսկ 2014 թվականից ի վեր սահմանվել են ավելի քան 13000 սահմանափակումներ՝ Ղրիմի և Դոնբասի մի մասի օկուպացիայի հետևանքով։ Մինչ այսօր, Ռուսաստանը աշխարհի ամենապատժամիջոցային երկիրն է՝ շրջանցելով Իրանին, Սիրիային և Հյուսիսային Կորեային։
ԵՄ պատժամիջոցների նոր՝ տասներորդ փաթեթը, որը կհայտարարվի Ուկրաինայում ռազմական գործողությունների մեկնարկի տարելիցին, կազդի չորս ռուսական բանկերի վրա, այդ թվում՝ «Ալֆա-Բանկ»-ի։ Եվրահանձնաժողովի ղեկավար Ուրսուլա ֆոն դեր Լեյենի խոսքով՝ տասներորդ փաթեթը ներառում է ավելի քան 10 միլիարդ եվրո արժողությամբ ապրանքների արտահանման սահմանափակումներ և ռազմարդյունաբերական համալիրի համար անհրաժեշտ տեխնոլոգիաներ։ Ըստ Politico-ի՝ պատժամիջոցների ցանկում կարող են ավելացվել մինչև 130 անհատներ և կազմակերպություններ։ Խոսքը ռուս զինվորականների, հրամանատարների, պրոպագանդիստ լրագրողների մասին է, որոնք աշխատում են ռուսական պետական լրատվամիջոցներում, ինչպես նաև այլ երկրների ընկերություններ և անհատներ, որոնք կապված են Ուկրաինայի պատերազմի հետ կամ «Վագներ» մասնավոր ռազմական ընկերության հետ։
Փորձագետները գրում են, որ ճիշտ է, փետրվարի 24-ին Ուկրաինայի դեմ պատերազմի սկսվելուց հետո ռուսական տնտեսության փլուզում տեղի չունեցավ, սակայն ներկայումս Ռուսաստանը անցնում է «գոյատեւման ռեժիմի»։ Անցած տարեվերջին նրա տնտեսական հնարավորությունները կտրուկ կրճատվեցին, ինչը Մոսկվայի դեմ միջազգային պատժամիջոցների արդյունք է։
Bloomberg-ը գրում է, որ պատժամիջոցների գործընթացը դեռ չի ավարտվել, և Ռուսաստանի դեմ նոր պատժամիջոցներ են սահմանվում։ Տնտեսական իրավիճակը ֆեդերացիայում կբարդանա, քանի որ հարյուր հազարավոր մարդկանց մոբիլիզացիան «քանդում է աշխատաշուկան», իսկ կառավարությունը ավելացնում է սոցիալական ծրագրերի ծախսերը։ Միաժամանակ նավթի արդյունահանումը նվազում է։
Կիևի տնտեսագիտական դպրոցի տվյալների համաձայն՝ արտասահմանյան ընկերությունների գրեթե 6%-ն ամբողջությամբ լքել է ռուսական շուկան։ Ընկերությունների մոտ 38%-ը հայտարարել է ռուսական շուկայից դուրս գալու մասին, իսկ 16,1%-ը սպասում է այս գործընթացին։
Ըստ Castellum-ի՝ պատժամիջոցների մոնիտորինգի գլոբալ տվյալների բազայի, 2022 թվականի փետրվարի վերջից ավելի քան 10900 սահմանափակումներ են մտցվել Ռուսաստանի դեմ, իսկ 2014 թվականից ի վեր սահմանվել են ավելի քան 13000 սահմանափակումներ՝ Ղրիմի և Դոնբասի մի մասի օկուպացիայի հետևանքով։ Մինչ այսօր, Ռուսաստանը աշխարհի ամենապատժամիջոցային երկիրն է՝ շրջանցելով Իրանին, Սիրիային և Հյուսիսային Կորեային։
ԵՄ պատժամիջոցների նոր՝ տասներորդ փաթեթը, որը կհայտարարվի Ուկրաինայում ռազմական գործողությունների մեկնարկի տարելիցին, կազդի չորս ռուսական բանկերի վրա, այդ թվում՝ «Ալֆա-Բանկ»-ի։ Եվրահանձնաժողովի ղեկավար Ուրսուլա ֆոն դեր Լեյենի խոսքով՝ տասներորդ փաթեթը ներառում է ավելի քան 10 միլիարդ եվրո արժողությամբ ապրանքների արտահանման սահմանափակումներ և ռազմարդյունաբերական համալիրի համար անհրաժեշտ տեխնոլոգիաներ։ Ըստ Politico-ի՝ պատժամիջոցների ցանկում կարող են ավելացվել մինչև 130 անհատներ և կազմակերպություններ։ Խոսքը ռուս զինվորականների, հրամանատարների, պրոպագանդիստ լրագրողների մասին է, որոնք աշխատում են ռուսական պետական լրատվամիջոցներում, ինչպես նաև այլ երկրների ընկերություններ և անհատներ, որոնք կապված են Ուկրաինայի պատերազմի հետ կամ «Վագներ» մասնավոր ռազմական ընկերության հետ։