Մեր երկու տարվա աշխատանքի արդյունքում գործազրկության և աղքատության մակարդակը գտնվում է պատմական նվազագույնի վրա, բոլոր ուղղություններով ունենք դրական դինամիկա,- կառավարության նիստում ասել է Վրաստանի վարչապետ Իրակլի Ղարիբաշվիլին։

Ինչպես նշեց Իրակլի Ղարիբաշվիլին, ըստ նախնական տեղեկությունների, հունվարին բավականին բարձր տնտեսական աճ կլինի։

«Վիճակագրության դեպարտամենտի հրապարակած վերջին տվյալներով՝ գործազրկության մակարդակը գտնվում է պատմական նվազագույնի վրա։ Գործազրկությունը նվազում է, իսկ աղքատությունը պատմական նվազագույնի է: Տեսել եք, կարդացել եք վերջին տվյալները, որ առևտուրն աճել է, բոլոր ուղղություններով ունենք դրական դինամիկա, տնտեսական աճ, սպասում ենք հունվարի տվյալներին։ Ֆինանսների նախարարությունից իմ ունեցած նախնական տեղեկություններով, թեև, իհարկե, պետք է սպասել վիճակագրական ծառայության վերջնական տեղեկատվությանը, հունվարին բավականին բարձր տնտեսական աճ կլինի։ Ընդհանուր առմամբ, նկատվող դինամիկան լավատեսության հիմք է տալիս, որ այս տարի էլ կունենանք բարձր տնտեսական աճ։ Սա պետք է լինի մեր հիմնական խնդիրը։ Զբաղվածություն, ավելի շատ աշխատատեղեր. Ասեմ նաև, որ գործազուրկների թիվը նվազել է և՛ տղամարդկանց, և՛ կանանց շրջանում։ Քաղաքային և գյուղական վայրերում գործազրկությունն ամենուր կրճատվում է։ Սա պատմական ցածր մակարդակ է թե՛ գործազրկության, թե՛ աղքատության համար: Սա մեր երկու տարվա աշխատանքի արդյունքն է»,- ասաց վարչապետը։