Վրաստանում արգելվել է թեթև մարդատար ավտոմեքենաների տեղաշարժը:

Սահմանափակումը չի վերաբերում բեռնափոխադրումներին և մատակարարման մեքենաներին:

«Ընդգծում եմ, որ սննդամթերքի խանութները, դեղատները և այլ օբյեկտներ, որոնք մինչ այժմ աշխատում էին, կշարունակեն աշխատանքը, շարունակում են աշխատանքը նաև առաքման ծառայությունները»,- հայտարարել է Իրակլի Չիքովանին:

Ստորև ներկայացնում ենք նոր սահմանափակման մասին ամենահաճախ տրվող հարցերի պատասխանները.

• Ո՞ր տրանսպորտային միջոցով է սահմանափակվում տեղաշարժը:

Արգելվում է տեղաշարժը բոոր տիպի մեխանիկական տրանսպորտային միջոցով, մոտոցիկլետից բացի:

• Ո՞ր տրանսպորտային միջոցով կարող եմ երթևեկել:

Չի արգելվում երթևեկել մոտոցիկլետով, մոպեդով և հեծանիվով:

• Վերաբերում է արդյո՞ք սահմանափակումը տաքսիներին:

Այո:

• Ինչպե՞ս կարող եմ ձեռք բերել մեքենայի անցաթուղթ:

Այն դեպքում, եթե դուք ծավալում եք տնտեսական գործունեություն, անցաթուղթ ձեռք բերելու համար պետք է դիմեք բնագավառային նախարարությանը

Եթե դուք ծավալում եք այնպիսի գործունեություն, որի վրա հսկողություն չի իրականացնում բնագավառային նախարարությունը և ձեր տեղաշարժը, ձեր գործունեությունից ելնելով, ծայրահեղ անհրաժեշտություն է, զանգահարեք 144 հեռախոսահամարին:

• Աշխատում եմ թույլատրված տնտեսական գործունեության շրջանակներում: Ինչպե՞ս պետք է գնամ աշխատանքի վայր:

Ձեր երթևեկությունը պետք է ապահովի ձեր գործատուն:

• Թույլատրված տնտեսական գործունեություն իրականացնող ընկերություն եմ: Ինչո՞վ պետք է երթևեկեն իմ աշխատակիցները մինչև աշխատավայր:

Թույլատրված տնտեսական գործունեություն իրականացնող սուբյեկտը պարտավոր է ապահովել աշխատակիցների տեղաշարժը միկրոավտոբուսով կամ ավտոբուսով: Թույլտվություն ստանալու համար ընկերությունը պետք է դիմի համապատասխան մունիցիպալիտետին:

• Կարո՞ղ եմ պատվիրել սննդամթերք կամ դեղամիջոցներ:

Այո

• Կարո՞ղ եմ արդյոք գնալ գերեզմանոց:

Ոչ: Այցելել կարելի միայն այն դեպքում, եթե դա կապված է հուղարկավորության հետ: Գերեզման այցելելն արգելվում է ողջ երկրի տարածքով:

• Ո՞ր հաստատություններում է պարտադիր բժշկական դիմակ կրելը:

Բժշկական դիմակ պարտադիր է կրել բոլոր հանրային փակ տարածքներում (խանութ, դեղատուն և այլն):

• Կարո՞ղ եմ արդյոք տեղաշարժվել գյուղատնտեսական գործունեություն իրականացնելու համար:

Գյուղատնտեսական գործունեություն իրականացնելու համար թույլատրվում է տեղաշարժվել միայն գյուղատնտեսական մեքենայով կամ տեխնիկայով:

• Ունեմ ծառայողական նպատակով ավտոմեքենայով տեղաշարժվելու իրավունք: Կարո՞ղ եմ արդյոք այդ տրանսպորտային միջոցով փոխադրել ընտանիքի անդամի կամ այլ անձի:

Ոչ