Ախալքալաքում և Նինոծմինդայում նշեցին 1945 թվականի ֆաշիզմի դեմ Հաղթանակի օրը:

Հարյուրավոր մարդկանց ամբոխում նկատվում էին պատերազմում զոհվածների հուշապատկերները:

Ախալքալաքում երթը սկսվեց կենտրոնական հրապարակից եւ Ազատության փողոցով շարժվեց դեպի տոնավաճառ, որտեղ գտնվում է Խորհրդային Միության հերոս՝ Վաչագան Վանցյանի հուշարձանը: Ախալքալաքում 6 վետերաններից 3-ը մասնակցում էին հավաքին:

Վաչագան Վանցյանի հուշարձանին ծաղկեպսակներ խոնարհեցին խորհրդարանի պատգամավոր Հենզել Մկոյանը, տեղական ինքնակառավարման մարմինների ղեկավարներ՝ Նաիրի Իրիցյանը եւ Յուրի Հունանյանը, Սակրեբուլույի պատգամավորները և շարքային քաղաքացիները:

Նինոծմինդայի մունիցիպալիտետում մնացել են ընդամենը 2 վետերան: Ներկաները մեկ րոպե լռությամբ հարգեցին Երկրորդ համաշխարհային պատերազմում զոհվածների հիշատակը: Երեխաները միջոցառմանը հանդես եկան պատերազմի մասին բանաստեղծություններով եւ երգերով: