Ադրբեջանում հոկտեմբերի 1-ից քաղաքացիները պարտավոր կլինեն կովիդ-անձնագիր ներկայացնել միջքաղաքային և միջշրջանային ճամփորդությունների ժամանակ: Այս կանոնը չի կիրառվի Բաքվի և Սումգայիթի միջև, ինչպես նաև Աբշերոն շրջանում ճանապարհորդելիս:

Համապատասխան տեղեկատվությունը տարածում է ադրբեջանական «Թրենդ» գործակալությունը` հիմնված կառավարության օպերատիվ շտաբի վրա:

Մասնավորապես, 18 տարեկանից բարձր քաղաքացիները պետք է հոկտեմբերի 1-ից ներկայացնեն պատվաստման մեկ դեղաչափի վկայական, իսկ նոյեմբերի 1-ից` երկու դեղաչափով պատվաստման կամ անձեռնմխելիության վկայական:

Միաժամանակ, օպերատիվ շտաբը որոշեց մեղմացնել կարանտինային ռեժիմը: Հոկտեմբերի 1-ից կբացվեն ժամանցի եւ հանգստի կենտրոնները, այդ թվում՝ մանկական ժամանցի կենտրոնները, թատրոնները եւ կինոթատրոնները: Այս հաստատություններ մուտք գործելու համար քաղաքացուց կպահանջվի կովիդ-անձնագիր ներկայացնել: Բացի այդ, այդ հաստատությունների աշխատակիցների առնվազն 80 տոկոսը պետք է կովիդ-անձնագիր ունենա: