ՄԱԿ-ի տվյալներով՝ ռուսական ագրեսիայի հետեւանքով Ուկրաինայում զոհվել է 5996 խաղաղ բնակիչ, այդ թվում՝ 382 երեխա։ Այս մասին հայտարարել է մարդու իրավունքների հարցերով ՄԱԿ-ի դիտորդական առաքելության ղեկավար Մաթիլդա Բոգները։

Բոգների խոսքով, առաքելության անդամներն աշխատում են Ուկրաինայի վեց վայրերում և ամենօրյա կապ ունեն տեղի բնակչության հետ:

«Այսօրվա դրությամբ արձանագրել ենք 5996 մահ և 8848 վիրավոր։ Մահացածների թվում կա 382 երեխա։ Այս թվերն արտացոլում են հաստատված անհատական ​​միջադեպերը, իսկ իրական թվերը շատ ավելի մեծ են»,- ասել է Բոգները։

Բոգները նաև ուշադրություն է հրավիրել Ռուսաստանի կողմից քաղաքացիական ենթակառուցվածքների ռմբակոծությունների վրա և նշել, որ քաղաքացիական օբյեկտների վրա հարձակումները ոչ միայն վտանգում են խաղաղ բնակիչների կյանքը, այլև ստիպում են նրանց ապրել ստորացուցիչ պայմաններում։

Նրա խոսքով, ռուսական հարձակումների հետևանքով վնասվել կամ ավերվել է 252 բժշկական և 415 ուսումնական հաստատություն.