Վրաստանի խորհրդարանը երրորդ և վերջին ընթերցմամբ արագորեն ընդունել է «Զբոսաշրջության մասին» օրենքում փոփոխությունները, որոնց համաձայն՝ երկիր մուտք գործող զբոսաշրջիկների առողջության և դժբախտ պատահարների պարտադիր ապահովագրության պահանջը կդադարեցվի մինչև 2026 թվականի հունվարի 1-ը։

Որոշվել է հրաժարվել այս փոփոխություններից՝ անհրաժեշտ բոլոր նախապատրաստական ​​աշխատանքներն իրականացնելու համար ժամանակի սղության պատճառով, պարզաբանել են իշխող «Վրացական երազանք» կուսակցության պատգամավորները։

«Վրաստան մուտք գործող արտասահմանցիների համար կյանքի և առողջության պարտադիր ապահովագրության պահանջի ներդրման վերաբերյալ ստացված հարցումների կապակցությամբ տեղեկացնում ենք, որ Վրաստանում Հայաստանի Հանրապետության դեսպանությունը հարցի առնչությամբ լրացուցիչ պարզաբանում է ստացել Վրաստանի արտաքին գործերի նախարարությունից առ այն, որ «Վրաստան մուտք գործող զբոսաշրջիկների առողջության և դժբախտ պատահարներից պարտադիր ապահովագրության կարգի և պայմանների հաստատման մասին» համապատասխան որոշման ընդունման և ուժի մեջ մտնելու համար ժամկետ է սահմանվել 2026թ. հունվարի 1-ը»,- նշված է հաղորդագրության մեջ։

Փոփոխություններն ուժի մեջ կմտնեն նախագահի կողմից ստորագրվելուց և Օրենսդրական տեղեկագրի կայքում հրապարակվելուց հետո։