ქალაქ ახალციხის მერია საჯარო მოხელეთა შესარჩევ კონკურსს აცხადებს. ვაკანტურია შემდეგი პოზიციები:

• სპეციალისტი მატერიალურ-ტექნიკურ საკითხებში,

• უფროსი სპეციალისტი მშენებლობის ზედამხედველობის საკითხებში,

• მთავარი სპეციალისტი არქიტექტურის საკითხებში,

• მთავარი სპეციალისტი საქმისწარმოების საკითხებში,

• მთავარი სპეციალისტი საქმისწარმოებისა და კადრების საკითხებში,

• მთავარი სპეციალისტი იურიდიულ საკითხებში,

• მთავარი სპეციალისტი მონიტორინგის, შიდა კონტროლის საკითხებში,

• სივრცითი მოწყობის და არქიტექტურის განყოფილების უფროსი,

• შესყიდვების განყოფილების უფროსი,

• ეკონომიკის დაგეგმვის, სტატისტიკისა და მუნიციპალური ქონების აღრიცხვისა და მართვის განყოფილების უფროსი,

• საზოგადოებასთან ურთიერთობის განყოფილების უფროსი,

• მუნიციპალური ზედამხედველობის განყოფილების უფროსი,

• ბუღალტრული აღრიცხვის განყოფილების უფროსი.

მსურველებმა განაცხადი საჯარო სამსახურის ბიუროს ვებ–გვერდზე (www.hr.gov.ge) უნდა შეავსონ. საბუთების მიღება 15 მარტს 18:00 საათზე დასრულდება.

კონკურსი ორი ეტაპად ჩატარდება. პირველ ეტაპზე განაცხადების გადარჩევა მოხდება. მომდევნო ეტაპზე ის კონკურსანტები გადავლენ, რომლებიც განსაზღვრულ მოთხოვნებს დააკმაყოფილებენ. საბოლოოდ საჯარო მოხელეები გასაუბრებით შეირჩევიან.

საკონკურსო-საატესტაციო კომისიას ახალციხის მერი ვლადიმერ ზედგინიძე ხელმძღვანელობს.