საქართველოს მოქალაქეებისთვის ევროკავშირის შენგენის ზონაში უვიზოდ მიმოსვლის რეჟიმი ამოქმედდა. ბიომეტრული პასპორტების მქონე მოქალაქეებს თავისუფლად გადაადგილება ევროკავშირის 22 წევრ ქვეყანაში, 4 არაწევრ ქვეყანასა და შენგენის 4 კანდიდატ ქვეყანაში შეეძლება.

წევრი ქვეყნებია: ავსტრია, ბელგია, გერმანია, დანია, ესპანეთი, ესტონეთი, იტალია, ლატვია, ლიტვა, ლუქსემბურგი, მალტა, ნიდერლანდები, პოლონეთი, პორტუგალია, საბერძნეთი, საფრანგეთი, სლოვენია, სლოვაკეთი, უნგრეთი, ფინეთი, შვედეთი, ჩეხეთი.

არაწევრი ქვეყნები: ისლანდია, ლიხტენშტეინი, ნორვეგია და შვეიცარია;

კანდიდატი ქვეყნები: ბულგარეთი, კვიპროსი, რუმინეთი, ხორვატია;

გამონაკლისს წარმოადგენს ევროკავშირის 2 წევრი ქვეყანა: დიდი ბრიტანეთი და ირლანდია, რომლებთანაც სავიზო რეჟიმი შენარჩუნდება.


მოქალაქეებს შენგენის ზონის ქვეყნებში უვიზო მიმოსვლით სარგებლობა 180 დღის განმავლობაში მაქსიმალური, 90 დღის ვადით შეუძლიათ. დადგენილი ვადების დარღვევის შემთხვევაში მოქალაქის დეპორტაცია მოხდება და იგი 5 წლის განმავლობაში ევროკავშირის ქვეყნების საზღვრებს ვეღარ გადალახავს. გარდა ამისა, მოუწევს ფულადი ჯარიმის გადახდაც 3 000 ევროს ოდენობით.