აგიტატორები საარჩევნო უბნის შესასვლელ კართან სხედან და სიებში ინიშნავენ, ვინ მივიდა არჩევნებზე და ვინ არა. მათი თქმით, ამომრჩეველს, რომელიც უბანზე არ მისულა, სახლში მიაკითხავენ და მანქანით მოიყვანენ.

სიებში არის გრაფა – ჩვენი მხარდამჭერი, სადაც 48 ნომერია ჩაწერილი.

მერის წარმომადგენელი კარლენ კარახანიანი ამბობს, რომ ოთხი სოფლის ყულალისის, პატარა პამაჯის, დიდი პამაჯისა და ორალის მოსახლეობას ინიშნავენ. თითოეული სოფლიდან ამომრჩევლის აღრიცხვაზე ორი აგიტატორი ზრუნავს. ამბობს, რომ უბანთან აგიტაცია მათთვის არავის დაუშლია.

აგიტატორები ამბობენ, რომ არჩევნებამდე ყველა ოჯახი შემოიარეს და მათი მხარდამჭერები აღწერეს. "მეცხრე არხთან" არ დაუმალავთ, რომ #18 უბანზე რეგისტრირებული 1 067 ამომრჩევლიდან, 517 სალომე ზურაბიშვილის მხარდამჭერია.

უბნის ეზოში მოქალაქეები არიან შეკრებილნი, რომლებსაც 48–ნომრიანი ჟილეტები აცვიათ.

უბანთან რამდენიმე ავტომობილს, სალომე ზურაბიშვილის პლაკატები აქვს მიკრული.