ახალციხის საოლქო საარჩევნო კომისიაში 35–ივე უბანი კანონით გათვალისწინებული დროით, დილის რვა საათზე გაიხსნა.
კომისიის თავმჯდომარის, თეა გავაშელის განმარტებით, უმეტეს უბნებში კენჭისყრის პროცედურები გახსნისთანავე დაიწყო.
ახალციხის #1 საუბნო საარჩევნო კომისიაში საარჩევნო უბანზე რეგისტრირებული 1 180 ამომრჩევლიდან პირველი ნანა იოსელიანი იყო, ვინც მოქალაქეობრივი ვალი მოიხადა. მან არჩევანი 08:07 წთ–ზე გააკეთა.
პირველ უბანზე გადასატან ყუთზე 14 ამომრჩეველი ირიცხება, ხოლო სპეციალურ სიაში 10 მოქალაქეა.