ახალციხელი გამომგონებელი კარლო ხუციშვილი, ონლაინ კონკურსში იღებს მონაწილეობას.
ნონ–სტოპი, ასე ჰქვია იდეას, რომელიც მან სოციალურ პროექტში წარადგინა.
გამოგონება ეტლით მოსარგებლეებისთვისაა. კარლო ხუციშვილი ამბობს, რომ ნონ–სტოპის დახმარებით, შეზღუდული შესაძლებლობის მქონე პირი გადაადგილებას სხვისი დახმარების გარაშე სწრაფად, უსაფრთხოდ და მარტივად შეძლებს. ეტლი აღჭურვილია GPS სისტემით. აქვს სპეციალური პროგრამა პარკირებისთვის. ეტლი მორგებულია ამინდსა და ხელის მტევნის პრობლემის მქონე პირებზე.
კარლო ხუციშვილი პროექტზე გიორგი ორლოვსკისთან და ნინო აბელაშვილთან ერთად მუშაობს. კონკურსში გამარჯვების შემთხვევაში, პროექტის ავტორები 2 500 ლარს მიიღებენ და იდეას რეალობად აქცევენ.
პროექტისთვის ხმის მისაცემად გადადით ბმულზე:
ertad.ge