22 აპრილს დედამიწის დღე აღინიშნება
დედამიწის დღე მსოფლიოში ერთ-ერთი ყველაზე მასშტაბური გარემოსდაცვითი ღონისძიებაა, რომლშიც ყოველ წელს მსოფლიოს 175 ქვეყნის 17 000-მდე ორგანიზაცია და მილიონობით მოხალისე მონაწილეობს.
ეს დღე 1970 წელს დაარსდა, როცა ცნობილი ამერიკელი გარემოსდამცველი სენატორის, გეილორდ ნელსონის მოწოდებით, 20 მილიონი ამერიკელი, დედამიწის დასაცავად გამოვიდა.
საქართველოში დედამიწის დღე პირველად, საქართველოს მწვანეთა მოძრაობის ინიციატივით, 1990 წელს აღინიშნა. მას შემდეგ ამ ღონისძიებას ყოველწლიურად უერთდებიან ის ორგანიზაციები და მოხალისეები, რომლებიც გარემოსდაცვით საქმიანობას ახორციელებენ.