გამოცდების ეროვნული ცენტრის დირექტორი ისტორიის გამოცდაზე ახალციხეში ჩავიდა
16:36 / 15.07.2019
ერთიანი ეროვნული გამოცდები დღეს, 15 ივლისს ისტორიის საგნით გაგრძელდა. ახალციხის საგამოცდო ცენტრში გამოცდა ორ სესიად ჩატარდა.
სამცხე-ჯავახეთის მასშტაბით რეგისტრირებული 434 აბიტურიენტიდან, გამოცდაზე 16 მათგანი არ გამოცხადდა.
პროცესის მიმდინარეობას თვალი მიადევნა შეფასებისა და გამოცდების ეროვნული ცენტრის დირექტორმა. სოფიო გორგოძემ საგამოცდო ცენტრი დაათვალიერა და აბიტურიენტებს წარმატება უსურვა.