არჩევნები
იყო თუ არა 31 ოქტომბრის არჩევნები დემოკრატიულობის მაგალითი
2020 წლის საპარლამენტო არჩევნები დასრულდა. ცესკოს მონაცემებით, ხმათა უმრავლესობა ,,ქართულმა ოცნებამ" მოიპოვა. მმართველი პარტიის განცხადებით, ქვეყანაში დემოკრატიული არჩევნები ჩატარდა და ქართველმა ხალხმა სწორი არჩევანი გააკეთა, რასაც ოპოზიციური პარტიები არ ეთანხმებიან.
იყო თუ არა 31 ოქტომბრის არჩევნები დემოკრატიულობის მაგალითი - ამასთან დაკავშირებით, საზოგადოების აზრი ორად გაიყო. ადგილობრივების ნაწილი ფიქრობს, რომ კენჭისყრის პროცედურები წესების სრული დაცვით ჩატარდა და ამომრჩეველმა საკუთარი ნება დამოუკიდებლად დააფიქსირა. მეორე ნაწილი კი მიიჩნევს, რომ არჩევნები გაყალბდა და მოქალაქეების ნებაზე სხვებმა იქონიეს გავლენა.
მიუხედავად იმისა, რომ მმართველი პარტია საპარლამენტო არჩევნების დემოკრატიულად ჩატარებაზე საუბრობს, დარღვევები მაინც დაფიქსირდა. ახალციხის №2 საარჩევნო უბანზე მობილიზებულები იყვნენ აგიტატორები, რომლებიც სიებში არჩევნებზე მისულ მოქალაქეებს აღრიცხავდნენ.
მსგავსი ვითარება იყო ახალციხის მუნიციპალიტეტის სოფელ ნაოხრების 26-ე უბნის მიმდებარედ. აგიტატორთა ჯგუფი აქაც სიებით ხელში დილიდან იყვნენ მობილიზებულნი და საარჩევნო უბანზე მისულ მოქალაქეებს აღრიცხავდნენ. აღნიშნეს, რომ აგიტატორები იყვნენ, თუმცა რომელი პარტიის დაკვეთას ასრულებდნენ არ დააკონკრეტეს.
კიდევ ერთი ფაქტი, რაც ოპოზიციამ გააპროტესტა მმართველი პარტიის ინიციალები იყო. ახალციხის სოფელ სხვილისის ორ საარჩევნო უბანთან "ქართული ოცნების" ინიციალები დაწერეს. წარწერა 31 ოქტომბერს #21 და #34 უბანზე მისულ ამომრჩეველს დახვდა. "გაერთიანებული ოპოზიციის" წარმომადგენლებმა ეს ფაქტი კანონდარღვევად მიიჩნიეს და საჩივარიც დაწერეს.
31 ოქტომბერს სააგიტაციო წარწერები და ინიციალები გამოჩნდა N1 ასპინძის საარჩევნო უბანთანაც. "ქ. ო." ინიციალის ავტორი უცნობია. საარჩევნო კოდექსის თანახმად, სააგიტაციო მასალის უბნიდან 25 მეტრამდე განთავსება აკრძალულია, მაშინ როცა ოპოზიციამ აღნიშნა, რომ ინიცილები საარჩევნო უბნიდან 22 მეტრის დაშორებით იყო განთავსებული.
დარღვევებს შორის აღსანიშნავია ჯანდაცვის სამინისტროს მიერ გაცემული რეგულაციების უგულვებელყოფაც. სოციალური დისტანციის დარღვევის ფაქტი თითქმის ყველა საარჩევნო უბანზე გამოიკვეთა. მათ შორის #3 არლის საარჩევნო უბანზე. დისტანცია არ იყო დაცული კენჭისყრის ოთახსა და უბნის შესასვლელში. რეგულაციის მიხედვით კი ამომრჩეველმა სულ მცირე ორმეტრიანი მანძილი უნდა დაიცვას.
ჯანდაცვის სამინისტროს მიერ შემუშავებული რეგულაციების დარღვევის ფაქტები გამოიკვეთა ახალციხის №30-ე საარჩევნო უბანზეც, სადაც კომისიის წევრების ნაწილს პირბადე მოხსნილი ჰქონდა. ისინი კენჭისყრის ოთახში მოვალეობას სამედიცინო ნიღბის გარეშე ასრულებდნენ. ჯანდაცვის სამინისტრო კი გვაფრთხილებს, რომ პირბადე სრულიად უნდა ფარავდეს ცხვირს, პირსა და ნიკაპს.
საქართველოს 2020 წლის საპარლამენტო არჩევნებში ცესკოს წინასწარი მონაცემებით, "ქართულმა ოცნებამ" პროპორციული სიით ამომრჩეველთა 48.23% მიიღო. შედეგებს არალეგიტიმურად მიიჩნევენ ოპოზიციური პარტიები და საპარლამენტო მანდატებზე უარს აცხადებენ. ამის მიზეზად, გაყალბების, დარღვევისა და მოქალაქეებზე მუქარის ფაქტები მოჰყავთ.
ოპოზიცია ამომრჩევლთა ხმების დაცვას საპროტესტო გამოსვლებით ცდილობს. "ქართული ოცნება" კი მოსახლეობას მოუწოდებს, პროვოკაციას არ აჰყვნენ.
იყო თუ არა 31 ოქტომბრის არჩევნები დემოკრატიულობის მაგალითი - ამასთან დაკავშირებით, საზოგადოების აზრი ორად გაიყო. ადგილობრივების ნაწილი ფიქრობს, რომ კენჭისყრის პროცედურები წესების სრული დაცვით ჩატარდა და ამომრჩეველმა საკუთარი ნება დამოუკიდებლად დააფიქსირა. მეორე ნაწილი კი მიიჩნევს, რომ არჩევნები გაყალბდა და მოქალაქეების ნებაზე სხვებმა იქონიეს გავლენა. მიუხედავად იმისა, რომ მმართველი პარტია საპარლამენტო არჩევნების დემოკრატიულად ჩატარებაზე საუბრობს, დარღვევები მაინც დაფიქსირდა. ახალციხის №2 საარჩევნო უბანზე მობილიზებულები იყვნენ აგიტატორები, რომლებიც სიებში არჩევნებზე მისულ მოქალაქეებს აღრიცხავდნენ. მსგავსი ვითარება იყო ახალციხის მუნიციპალიტეტის სოფელ ნაოხრების 26-ე უბნის მიმდებარედ. აგიტატორთა ჯგუფი აქაც სიებით ხელში დილიდან იყვნენ მობილიზებულნი და საარჩევნო უბანზე მისულ მოქალაქეებს აღრიცხავდნენ. აღნიშნეს, რომ აგიტატორები იყვნენ, თუმცა რომელი პარტიის დაკვეთას ასრულებდნენ არ დააკონკრეტეს.
კიდევ ერთი ფაქტი, რაც ოპოზიციამ გააპროტესტა მმართველი პარტიის ინიციალები იყო. ახალციხის სოფელ სხვილისის ორ საარჩევნო უბანთან "ქართული ოცნების" ინიციალები დაწერეს. წარწერა 31 ოქტომბერს #21 და #34 უბანზე მისულ ამომრჩეველს დახვდა. "გაერთიანებული ოპოზიციის" წარმომადგენლებმა ეს ფაქტი კანონდარღვევად მიიჩნიეს და საჩივარიც დაწერეს.
31 ოქტომბერს სააგიტაციო წარწერები და ინიციალები გამოჩნდა N1 ასპინძის საარჩევნო უბანთანაც. "ქ. ო." ინიციალის ავტორი უცნობია. საარჩევნო კოდექსის თანახმად, სააგიტაციო მასალის უბნიდან 25 მეტრამდე განთავსება აკრძალულია, მაშინ როცა ოპოზიციამ აღნიშნა, რომ ინიცილები საარჩევნო უბნიდან 22 მეტრის დაშორებით იყო განთავსებული.
დარღვევებს შორის აღსანიშნავია ჯანდაცვის სამინისტროს მიერ გაცემული რეგულაციების უგულვებელყოფაც. სოციალური დისტანციის დარღვევის ფაქტი თითქმის ყველა საარჩევნო უბანზე გამოიკვეთა. მათ შორის #3 არლის საარჩევნო უბანზე. დისტანცია არ იყო დაცული კენჭისყრის ოთახსა და უბნის შესასვლელში. რეგულაციის მიხედვით კი ამომრჩეველმა სულ მცირე ორმეტრიანი მანძილი უნდა დაიცვას.
ჯანდაცვის სამინისტროს მიერ შემუშავებული რეგულაციების დარღვევის ფაქტები გამოიკვეთა ახალციხის №30-ე საარჩევნო უბანზეც, სადაც კომისიის წევრების ნაწილს პირბადე მოხსნილი ჰქონდა. ისინი კენჭისყრის ოთახში მოვალეობას სამედიცინო ნიღბის გარეშე ასრულებდნენ. ჯანდაცვის სამინისტრო კი გვაფრთხილებს, რომ პირბადე სრულიად უნდა ფარავდეს ცხვირს, პირსა და ნიკაპს.
საქართველოს 2020 წლის საპარლამენტო არჩევნებში ცესკოს წინასწარი მონაცემებით, "ქართულმა ოცნებამ" პროპორციული სიით ამომრჩეველთა 48.23% მიიღო. შედეგებს არალეგიტიმურად მიიჩნევენ ოპოზიციური პარტიები და საპარლამენტო მანდატებზე უარს აცხადებენ. ამის მიზეზად, გაყალბების, დარღვევისა და მოქალაქეებზე მუქარის ფაქტები მოჰყავთ.
ოპოზიცია ამომრჩევლთა ხმების დაცვას საპროტესტო გამოსვლებით ცდილობს. "ქართული ოცნება" კი მოსახლეობას მოუწოდებს, პროვოკაციას არ აჰყვნენ. 
ამავე კატეგორიაში
სხვა სიახლეები
ამინდის პროგნოზი
აბრეშუმის გზა
პარტნიორი მედიასაშუალებების მასალები
ამინდი
ახალციხე
23
°C
ახალქალაქი
19
°C
ასპინძა
21
°C
ადიგენი
30
°C
ბორჯომი
26
°C
თბილისი
25
°C
აბასთუმანი
21
°C
ბაკურიანი
18
°C
ნინოწმინდა
19
°C
ვალუტა
AMD
1000
6.9000
EUR
1
2.8756
RUB
100
2.9082
TRY
1
0.0827
USD
1
2.6910
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.
