ახალციხის მერია “ერთიან ნაციონალურ მოძრაობას”  აქციის გამართვაზე უარს უცხადებს –ამის შესახებ ადიგენის მაჟორიტარმა დეპუტატმა ზურაბ ჩილინგარაშვილმა განაცხადა.

საქართველოში, დაახლოებით,  25 000  უმისამართო ამომრჩეველია.  ცენტრალურ საარჩევნო კომისიაში განმარტავენ, რომ მათი ზუსტი რაოდენობა ჯერ დადგენილი არ არის.

“ნაციონალურმა მოძრაობამ” დღეს, 14 ივლისს ჯავახეთში მაჟორიტარობის კანდიდატი წარადგინა. გამარჯვების შემთხვევაში ახალქალაქსა და ნინოწმინდას, საქართველოს პარლამენტში არსენ კარაპეტიანი წარადგენს. 

”მოძრაობა სახელმწიფო ხალხისთვის” ლიდერი, წევრებთან ერთად ადიგენის მუნიციპალიტეტში ადგილობრივებს შეხვდა და მათი პრობლემები მოისმინა. პაატა ბურჭულაძემ შეკრებილებს პარტიის სამოქმედო გეგმა და ის ხედვა წარუდგინა რომელიც, მისი თქმით, ქვეყანაში არსებული პრობლემების ეტაპობრივად მოგვარებას შეძლებს.

საქართველოს საჯარო სკოლებში სამეურვეო საბჭოს არჩევნები ტარდება. ახალციხის მუნიციპალიტეტის 38–ვე სასწავლო დაწესებულებაში პროცესი მშვიდ ვითარებში მიმდინარეობს. საარჩევნო უბანი ყველა სკოლაში 09:00 საათზე გაიხსნა, რა დროსაც კომისიის წევრებმა ფუნქციები ფარული კენჭისყრით გადაინაწილეს. საარჩევნო ყუთებში მოხდა საკონტროლო ფურცლის ჩაგდება, რის შემდეგაც ზუსტად 10:00 საათზე ხმის მიცემის პროცესი დაიწყო. “პირველი ამომრჩეველი 10:00 საათზე გვყავდა. მას შემდეგ პროცესი მშვიდად მიმდინარეობს. ყვყავდა ზემდგომი ორგანოებიდანაც დამკვირვებლები. ასე რომ, წესების სრული დაცვით მიმდინარეობს არჩევნები” – აცხადებს #1–ლი საჯარო სკოლის სამეურვეო საბჭოს საარჩვენო კომისიის თავმჯდომარე ციცინო თათენაშვილი. საქართველოს ზოგადსაგანმანათლებლო დაწესებულებებში სკოლის თვითმმართველობის უმაღლესი ორგანოს – სამეურვეო საბჭოს არჩევნებზე სკოლები ექვს პედაგოგსა და ექვს მშობელს ირჩევენ. ხმის მიცემა 16:00 საათზე შეწყდება, რის შემდეგაც ხმების დათვლა დაიწყება. სამეურვეო საბჭოს არჩევნებს განათლებისა და მეცნიერების სამინისტროს წარმომადგენლები საქართველოს ყველა რეგიონში აკვირდებიან. არჩევნებზე დამკვირვებლის სტატუსით დასწრება სამოქალაქო საზოგადოების და არასამთავრობო ორგანიზაციების წარმომადგენლებსაც შეუძლიათ, პროცესში ჩასართავად მათ რეგისტრაცია სკოლის საარჩევნო კომისიაში უნდა გაიარონ. სკოლის სამეურვეო საბჭო ირჩევს სკოლის დირექტორს, სკოლის დირექტორის წარდგინებით ამტკიცებს სკოლის შინაგანაწესს, ბიუჯეტს, ირჩევს დისციპლინურ კომიტეტს. სამეურვეო საბჭოში მასწავლებლებს და მშობლების 3 წლის ვადით ირჩევენ. თიკო კურტანიძე

24 მაისს, ახალი პოლიტიკური ცენტრის გირჩის ლიდერებმა სამცხე–ჯავახეთში ოფისები გაიხსნეს. გირჩის თავმჯდომარე ზურაბ ჯაფარიძე ბორჯომის ახალ ოფისში მხარდამჭერებს შეხვდა და მათ მომავალ პოლიტიკურ გეგმებზე ესაუბრა. დღესვე გაირკვა, რომ ბორჯომის ორგანიზაციის ადგილობრივი ოფისს ნიკოლოზ ჯავახიძე უხელმძღვანელებს. ჯავახიძე მედიასთან აქცენტს ბორჯომში არსებულ სოციალურ ვითარებასა და სამართლიანობის აღდგენაზე აკეთებს.

შინაგან საქმეთა სამინისტრომ ზუგდიდის მუნიციპალიტეტის სოფელ კორცხელში მომხდარ ჩხუბის ფაქტზე გამოძიება დაიწყო. უწყების ინფორმაციით, შემთხვევის ადგილზე იმყოფებოდა პოლიცია და ჩხუბის ფაქტზე მყისიერად მოხდა რეაგირება. მომხდარზე გამოძიება სისხლის სამართლის კოდექსის 125-ე მუხლით დაიწყო, რაც ცემას გულისხმობს. შსს-ს ცნობით, ამ დროისთვის დამნაშავეთა დადგენისა და დაკავების მიზნით, საგამოძიებო მოქმედებები მიმდინარეობს. კორცხელის #53-ე უბანზე “ნაციონალური მოძრაობისა” და “ქართული ოცნების” წარმომადგენლებს შორის ფიზიკური დაპირისპირება მოხდა. არსებული ინფორმაციით, ჩხუბში სპორტსმენებიც იყვნენ ჩართულები და გამოყენებული იყო ხელკეტები. დაშავებულები არიან “ნაციონალური მოძრაობის” წევრები, მათ შორის ნიკა მელია, გიგა ბოკერია და თენგიზ გუნავა, ასევე, “ქართული ოცნების” მხარდამჭერები და აქტივისტები. ცენტრალური საარჩევნო კომისიის წინასწარი მონაცემებით, ზუგდიდის მაჟორიტარულ ოლქში, სადაც გუშინ დაპირისპირება მოხდა, “ნაციონალური მოძრაობის” კანდიდატმა გაიმარჯვა. ოფიციალური შედეგებით, “ნაციონალური მოძრაობის” კანდიდატ ვარადებულ ლაშხიას ხმა ამომრჩეველთა 49,76 %-მა (623 ხმა) მისცა, “ქართული ოცნების” კანდიდატ ამირან ლაგვილავას კი 48,96 %-მა (613 ხმა). შესაბამისად, მმართველი პარტიის კანდიდატი “ნაციონალური მოძრაობის” კანდიდატთან 10 ხმით დამარცხდა. წყარო: ინტერპრესნიუსი.

გიორგი კვირიკაშვილმა მხარდამჭერებს წესდებისა და პოლიტიკური საბჭოს გადაწყვეტილების შესაბამისად, პარტიის პოლიტიკური საბჭოს განახლებული შემადგენლობა წარუდგინა: პარტიის გენერალური მდივანი: კახა კალაძე, გიორგი ვოლსკი, მანანა კობახიძე, ეკა ბესელია, ირაკლი სესიაშვილი, ირაკლი ტრიპოილსკი, თემურ ჭკუასელი, დავით საგანელიძე, ნოდარ ხადური, ზვიად კვაჭანტირაძე, გედევან ფოფხაძე. ირაკლი კობახიძე. პარტიის თავმჯდომარემ მხარდამჭერებს პოლიტსაბჭოს ახალი წევრებიც წარუდგინა, ესენი არიან: დავით ბაქრაძე, დავით კოღუაშვილი, მამუკა მდინარაძე, ირინე ფრუიძე, რომან კაკულია, სოფიო კილაძე, აკაკი ზოიძე, ზვიად დონაძე. გიორგი კვირიკაშვილმა თითოეული მათგანი დაახასიათა. პარტიის პოლიტიკური საბჭოს წარმოდგენილი შემადგენლობა დელეგატებმა აბსოლუტური უმრავლესობით აირჩიეს. “ჩვენ მივაღწევთ დასახულ მიზანს. მე როგორც პარტიის თავმჯდომარე, დარწმუნებული ვარ, რომ “ქართული ოცნება” დამაჯერებლად გაიმარჯვებს ამ არჩევნებში. ჩვენ ერთად გავიმარჯვებთ და ამით ჩვენი სამშობლო გაიმარჯვებს” – ამ სიტყვებით დაასრულა გამოსვლა გიორგი კვირიკაშვილმა. “ქართული ოცნების” ყრილობა დასრულდა. თიკო კურტანიძე

”ქართული ოცნება-დემოკრატიული საქართველოს” რიგით IV ყრილობაზე  გიორგი კვირიკაშვილის კანდიდატურა, პარტიის თავმჯდომარის პოსტზე, ერთხმად აირჩიეს. “ჩემთვის დიდი პატივია, ვიყო იმ პარტიის თავმჯდომარე, რომელიც უახლესი ისტორიის ერთ–ერთ მძიმე ეტაპზე შეიქმნა და გარდამტეხი როლი შეასრულა ქვეყნის განვითარების გზაზე. უახლოეს მომავალში ჩვენს რიგებში იხილავთ ბევრ ახალ ადამიანს, ბევრ პროფესიონალს, რომლებიც, დარწმუნებული ვარ, სრულიად განსხვავებულ, პოზიტიურ დინამიკას შემოიტანენ არა მარტო ჩვენს პარტიაში, არამედ ზოგადად ქართულ პოლიტიკაში. დღეიდან, როგორც პარტია ,,ქართული ოცნების“ თავმჯდომარე, პირადად ვიღებ პასუხისმგებლობას ჩვენი გუნდის საქმიანობაზე და ყველაფერს გავაკეთებ იმისათვის, რომ ეს იყოს წარმატებული ადამიანების გუნდი, რომელიც უანგაროდ იდგება ქვეყნის სამსახურში” – აღნიშნა გიორგი კვირიკაშვილმა. “ქართული ოცნების” ყრილობა თბილისის სპორტის სასახლეში მიმდინარეობს, რომელსაც პარტიის ლიდერები და მხარდამჭერები საქართველოს ყველა კუთხიდან ესწრებიან. თიკო კურტანიძე

თბილისის სპორტის სასახლეში „ქართული ოცნება – დემოკრატიული საქართველოს“ ყრილობა მიმდინარეობს. მხარდამჭერებს კოალიციის გენერალური მდივანი კახა კალაძე მიმართავს. მან სიტყვით გამოსვლისას განაკუთრებული მადლობა გადაუხადა ყოფილ პრემიერ მინისტრებს: ირაკლი ღარიბაშვილსა და ბიძინა ივანიშვილს. “ჩვენ წინ გველის უმნიშვნელოვანესი არჩევნები, სადაც დარწმუნებული ვარ, თქვენი თანადგომით შევძლებთ ღირსეული და დამაჯერებელი გამარჯვების მოპოვებას. ეს არ იქნება მხოლოდ “ქართული ოცნების” გამარჯვება. ეს იქნება ქართველი ხალხის გამარჯვება” – აღნიშნა კახა კალაძემ. მისი თქმით, პარტია განახლებული ძალებით შეუდგება პოლიტიკურ საქმიანობას. სპორტის სასახლეში “ქართული ოცნების” რიგით მეოთხე ყრილობა მიმდინარეობს. თიკო კურტანიძე

საქართველოში წინასაარჩევნო კამპანია 8 ივნისიდან დაიწყება – ამის შესახებ განცხადება პრეზიდენტმა გიორგი მარგველაშვილმა დღეს გააკეთა. ქვეყნის პირველმა პირმა პრემიერთან, პარლამენტის სპიკერსა და ცესკოს თავმჯდომარესთან გამართული კონსულტაციები შეაჯამა და აღნიშნა, რომ ისინი გარკვეულ კონსენსუსამდე მივიდნენ.

ახალციხესა და ადიგენში ვაჟა ჩიტაშვილი, ბორჯომსა და ასპინძაში ტარიელ ლონდარიძე – ,,ნაციონალური მოძრაობის“ მაჟორიტარი დეპუტატობის კანდიდატების ვინაობა ცნობილია ,,ერთიანმა ნაციონალურმა მოძრაობამ,“ 2016 წლის საპარლამენტო არჩევნებისთვის, სამცხე–ჯავახეთში მაჟორიტარი დეპუტატობის კანდიდატები დაასახელა. აღნიშნული ინფორმაცია დღეს, 10 მაისს გამართულ სამცხე-ჯავახეთის რეგიონულ კონფერენციაზე გახდა ცნობილი, რომელიც ახალციხის ოფისში გაიმართა. კონფერენციას სამცხე-ჯავახეთის დელეგატები და ,,ერთიანი ნაციონალური მოძრაობის“ ლიდერები მიხეილ მაჭავარიანი, ვაჟა ჩიტაშვილი, ტარიელ ლონდარიძე და ზურაბ ჩილინგარაშვილი ესწრებოდნენ. დღესვე შეირჩნენ ,,ერთიანი ნაციონალური მოძრაობის“ საპარლამენტო სიაში წარსადგენი პირები. დელეგატებმა ზურაბ ჩილინგარაშვილი, გევორქ შუშანიანი და ბესიკ ბექაური დაასახელეს, რომელთაც მაისის თვეში ,,ერთიანი ნაციონალური მოძრაობის” პოლიტიკური საბჭო დაამტკიცებს. შეხვედრის დეტალებსა და ფოტოებს პარტიის ფეისბუქ-გვერდი ავრცელებს.

“რესპუბლიკური პარტიის” ლიდერებმა სამცხე–ჯავახეთში შეხვედრა გამართეს. ახალციხის, ადიგენის, ასპინძის, ბორჯომისა და ახალქალაქის საკრებულოს წევრები “რესპუბლიკური პარტიიდან” და მხარდამჭერები, ლიდერებთან შესახვერად ახალქალაქში შეიკრიბნენ. შეხვედრაზე ადგილობრივი პრობლემები და რეგიონისთვის მნიშვნელოვანი საკითხები განიხილეს. მოსახლეობასთან დისკუსია მედია საშუალებებისთვის დახურულ კარს მიღმა შედგა.

2016 წლის საპარლამენტო არჩევნების თარიღი ცნობილია. მიმდინარე წელს ამომრჩევლები სასურველ პარტიას ხმას 8 ოქტომბერს მისცემენ. აღნიშნულის შესახებ საქართველოს პრეზიდენტმა დღეს, 5 აპრილს საგანგებო ბრიფინგზე განაცხადა. გიორგი მარგველაშვილის თქმით, შესაბამისი დოკუმენტაცია დასამტკიცებლად ქვეყნის პრემიერ მინისტრს გიორგი კვირიკაშვილს ხვალვე გადაეგზავნება. შეგახსენებთ, რომ ბოლო საპარლამენტო არჩევნები 2012 წელს ჩატარდა, რა დროსაც ქვეყნის მმართველი ძალა – “ერთიანი ნაციონალური მოძრაობა” ახალმა, კოალიციურმა მთავრობამ შეეცვალა.  

ახალციხის „ქართული ოცნების“ რაიონული ორგანიზაციის თავმჯდომარე ისევ გიორგი კოპაძე გახდა. ქალაქის მერი პარტიის თავმდომარედ დელეგატებმა  უკვე მეორედ აირჩიეს. ,,ქართული ოცნების“ პარტიული ყრილობა,  მესხეთის სახელმწიფო დრამატულ თეატრში გაიმართა, რომელსაც პარტიის გენერალური მდივანი კახა კალაძე და აღმასრულებელი მდივანი ირაკლი კობახიძე დაესწრნენ.  დარბაზში ,,ქართული ოცნების“  500–მდემხარდამჭერი იმყოფებოდა.

ამ წუთებში, მესხეთის სახელმწიფო დრამატულ თეატრში ,,ქართული ოცნების“ პარტიული ყრილობა მიმდინარეობს. ახალციხეს პარტიის გენერალური მდივანი კახა კალაძე და აღმასრულებელი მდივანი, ირაკლი კობახიძე სტუმრობენ. ,,მე–9 არხის“ ინფორმაციით, სხდომაზე  “ქართული ოცნების” რაიონული ორგანიზაციის თავმჯდომარეს აირჩევენ, რომლის ერთ–ერთი კანდიდატი ქალაქის მერი, გიორგი კოპაძეა. აღნიშნული ინფორმაცია ტელეკომპანიას, თავად მერმა დაუდასტურა. შეხვედრას 500–მდე ,,ქართული ოცნების“ მხარდამჭერი ესწრება. ყრილობაზე დასწრების საშუალება არ მიეცათ მედიის წარმომადგენლებს. მიუხედავად იმისა, რომკ ,,ქართული ოცნების“  საზოგადოებსასთან ურთიერთობის სამსახური ჟურნალისტებს დაპირდა, რომ სხდომის გადაღების საშუალება ექნებოდათ, ბოლო მომენტში, პარტიის პირველი პირების დაცვის წევრებმა  ოპერატორებს დარბაზი დაატოვებინეს და გადაღების საშუალება არ მისცეს.

ახალციხეში, საქართველოს ენერგეტიკის მინისტრსა და “ქართული ოცნების” აღმასრულებელ მდივანს ელოდებიან. კახი კალაძე და ირაკლი კობახიძე, პარტიის რაიონული ორგანიზაციის  წევრებს, მესხეთის სახელმწიფო, პროფესიული დრამატული თეატრის შენობაში შეხვდება. როგორც “მეცხრე არხს” ახალციხის მერის მოადგილემ ზაზა გელაძემ განუცხადა, “ქართული ოცნების” რაიონული ორგანიზაციის წევრებთან შეხვედრისას, თავმჯდომარის არჩევა მოხდება, თუმცა ამ თანამდებობას ვინ დაიკავებს, ეს ჯერ უცნობია. შეგახსენებთ, რომ “ქართული ოცნების” რაიონული ორგანიზაციების თავმჯდომარეები უკვე არჩეულია ასპინძაში, ადიგენსა და ბორჯომში.  

შინაგან საქმეთა მინისტრის გიორგი მღებრიშვილის ინიციატივით, 2008 წლის რუსეთ-საქართველოს ომში დაღუპული შსს-ს თანამშრომლების შვილები, დედებთან ერთად, მთის კურორტზე, ბაკურიანში ისვენებენ. დაღუპული პოლიციელების ოჯახის წევრებს ბაკურიანში შსს-ს სამცხე-ჯავახეთის პოლიციის დეპარტამენტის დირექტორი თემურ კალანდაძე და ადგილობრივი სამართალდამცველები დახვდნენ. პოლიციელებმა ბავშვები თოვლმავლებით გაასეირნეს. დაღუპული პოლიციელების შვილები სხვადასხვა შემეცნებით და გასართობ ღონისძიებაშიც მონაწილეობენ. 10 დღის განმავლობაში ისინი სპორტულ სკოლაში სათხილამურო სპორტს დაეუფლებიან. სწავლების დასრულების შემდეგ, მოზარდებს შორის სათხილამურო შეჯიბრი გაიმართება და გამარჯვებულებს შს მინისტრი გიორგი მღებრიშვილი საჩუქრებს გადასცემს.

აშშ–ს საელჩო დემოკრატიის კომისიის მცირე გრანტების პროგრამის კონკურსს აცხადებს. მასში მონაწილეობის მიღება არაკომერციულ, არასამთავრობო, საგანმანათლებლო და მედია ორგანიზაციებს შეუძლიათ. 2016 წლისათვის კომისია გრანტს მაქსიმუმ 24 000 დოლარის ოდენობით გასცემს. პროგრამისა და მცირე გრანტებისა შესახებ დღეს, 18 დეკემბერს, ახალციხის დემოკრატიული ჩართულობის ცენტრში აშშ–ს საელჩოს საზოგადოებასთან ურთიერთობის განყოფილების წარმომადგენლებმა პრეზენტაცია გამართეს. მათი თქმით, საელჩო თანხას რამდენიმე პრიორიტეტული მიმართულებით გასცემს. კერძოდ: სამოქალაქო ჩართულობა– სამოქალქო საზოგადოების ჩართვა გადაწყვეტილების მიღების პროცესში; სამოქალაქო განათლებისა და ადვოკატირების ხელშეწყობა; კრიტიკული აზროვნებისა და პრობლემის გადაჭრის უნარ–ჩვევების განვითარება ახალგაზრდებში; ქალების, უმცირესობების, შეზღუდული შესაძლებლობების მქონე პირებისა და სხვა ჯგუფების უფლებების დაცვა და ლიდერის უნარ–ჩვევების გაღრმავება; დემოკრატიული პროცესების განვითარების ხელშეწყობა; სხვა. საარჩევნო სისტემის ხელშეწყობა –ამომრჩევეთა მიუკერძოებელი განათლება; საზოგადოების ინფორმირებულობა საარჩევნო პროცესის შესახებ და აქტიური მონაწილეობის ხელშეწყობა, საარჩევნო პროცესის მონიტორინგი და დამკვირვებლების გადამზადება; სხვა. გარემოს  დაცვა – საზოგადოების ინფორმირება; გარემოსდაცვითი სათემო პროექტების ხელშეწყობა; ნარჩენების გადამუშავების წახალისება; სხვა. მასმედიის განვითარება მეტად ინფორმირებული და აქტიური საზოგადოებისათვის– ადგილობრივი პროგრამების გამრავალფეროვნება; პროფესიული ზრდის ხელშეწყობა; მედიის გამჭვირვალობა და უფლებების ადვოკატირება; ჟურნალისტური ეთიკის ხელშეწყობა; სხვა. პროექტები 2016 წლის 25 იანვრამდე მიიღება, მხოლოდ ინგლისურ ენაზე. სპეციალური აპლიკაციის შევსება შეგიძლიათ ვებ–მისამართზე: http://georgia.usembassy.gov  

არჩევნების თემაზე ახალციხეში ტრენინგი ჩატარდა. ორი დღის განმავლობაში სკოლის მოსწავლეებმა და სტუნდეტებმა საქართველოს სახელმწიფოებრივი მოწყობის მოდელზე, ქვეყნის მართვის პროცესში ამომრჩევლის მონაწილეობის გზებზე, ასევე  არჩევითი ორგანოების ფორმირებასა და ქვეყანაში არსებულ საარჩევნო კანონმდებლობაზე ისაუბრეს. ტრენინგს რეგიონული მედიის ასოციაციის იურისტი პაატა ცნობილაძე და მოწვეულ ტრენერი  ქეთევან მამამთავრიშვილი  უძღვებოდნენ, რომელიც საინორმაციო სააგენტო „სამხრეთის კარიბჭე“-ში გაიმართა.