“მედიის განვითარების ფონდის” – MDF-ის მიერ ორგანიზებული იმიტირებული არჩევნები ახალციხეში. “თითოეული ამომრჩეველი ხმას აძლევს პირადად. დაუშვებელია ხმის მიცემა სხვა პირის ნაცვლად.” “ქალი არის სრულფასოვანი ამომრჩეველი და უფლება აქვს თავისი სააერჩევნო ხმა გამოიყენოს საკუთარი შეხედულებისამებრ. ქალთა დისკრიმინაციის ყველა ფორმის აღმოფხვრის გაეროს კონვენციის მე-7 მუხლი ადგენს, რომ ქალებს აქვთ თანასწორი უფლება მონაწილეობა მიიღონ არჩევნებს, რეფერენდუმსა და ზოგადად პოლიტიკურ ცხოვრებაში.” იმიტირებული არჩევნები პროექტის – “დემოკრატიის ტური: არჩევნებიდან ინსტიტუტებამდე” ფარგლებში “საარჩევნო სისტემების განვითარების, რეფორმებისა და სწავლების ცენტრის” მხარდაჭერით ჩატარდა.

“მედიის განვითარების ფონდის” – MDF-ის მიერ ორგანიზებული იმიტირებული არჩევნები ახალქალაქში. “თითოეული ამომრჩეველი ხმას აძლევს პირადად. დაუშვებელია ხმის მიცემა სხვა პირის ნაცვლად.” “ქალი არის სრულფასოვანი ამომრჩეველი და უფლება აქვს თავისი სააერჩევნო ხმა გამოიყენოს საკუთარი შეხედულებისამებრ. ქალთა დისკრიმინაციის ყველა ფორმის აღმოფხვრის გაეროს კონვენციის მე-7 მუხლი ადგენს, რომ ქალებს აქვთ თანასწორი უფლება მონაწილეობა მიიღონ არჩევნებს, რეფერენდუმსა და ზოგადად პოლიტიკურ ცხოვრებაში.” იმიტირებული არჩევნები პროექტის – “დემოკრატიის ტური: არჩევნებიდან ინსტიტუტებამდე” ფარგლებში “საარჩევნო სისტემების განვითარების, რეფორმებისა და სწავლების ცენტრის” მხარდაჭერით ჩატარდა.

ინფორმირებული ახალგაზრდები სახელმწიფოს დემოკრატიოული განვითარებისათვის- პროექტის ფარგლებში, ახალციხის დემოკრატიული ჩართულობის ცენტრში ახალგაზრდებთან შეხვედრა მოეწყო. ეს ახალციხეში პირველი შეხვედრა იყო, რომელიც „ინტერნიუსი-საქართველოს“ ორგანიზებით გაიმართა. ღონისძიებაზე ნაჩვენები იყო პროექტის ფარგლებში მომზადებული ფილმი „ახალი თაობა და არჩევანი“, ასევე პროექტის „მედია და ინფორმირებული ამომრჩეველი“ ფარგლებში მომზადებული ფილმი „ახალგაზრდები და არჩევნები“. ფილმების ჩვენების შემდეგ  დისკუსია მოეწყო. ახალგაზრდებმა ქვეყნის საზოგადოებრივ ცხოვრებაში თანატოლების ჩართულობის მნიშვნელობაზე, ასევე მათი პასიურობის გამომწვევ მიზეზზე  ისაუბრეს და იმსჯელეს თუ რა უნდა გაკეთდეს ახალგაზრდა ამომრჩევლის გასააქტიურებლად.

#37–ე ახალციხის საოლქო საარჩევნო კომისიამ დღეს თავმჯდომარე აირჩია. კომისიის სხდომაზე, 5–მა მუდმივმოქმედმა წევრმა ყოფილი თავმჯდომარის, თეა გავაშელის კანდიდატურა ერთმად დაასახელა და მხარიც დაუჭირა. იგი საარჩევნო კომისიას 5 წლის ვადით უხელმძღვალებს. თეა გავაშელი აღნიშნულ თანამდებობაზე პირველად 2010 წლის 21 ოქტომბერს აირჩა. 5 წლის შემდეგ კი მას როგორც თავმჯდომარის, ასევე წევრის უფლებამოსილების ვადა ამოეწურა. შესაბამისად, ცენტრალურმა საარჩევნო კომისიამ, ახალციხის საოლქო საარჩევნო კომისიის წევრის ადგილი ვაკანტურად გამოაცხადა.

 ახალციხის #37 საოლქო საარჩევნო ოლქს ისევ თეა გავაშელი  უხელმძღვანელებს. ცენტრალურმა საარჩევნო კომისიამ ეს გადაწყვეტილება რამდენიმე წუთის წინ მიიღო. ,,მე–9 არხს“ ინფორმაცია ცესკოს საზოგადოებასთან ურთიერთობის დეპარტამენტის უფროსმა დაუდასტურა. კომისიის წევრის ვაკანტური ადგილის დასაკავებლად გამოცხადებულ კონკურსში განაცხადი ხუთმა  კონკურსანტმა შეიტანა. ესენი იყვნენ: ლია სუდაძე, თეა გავაშელი,  როინ თაქთაქიძე,  მართა გელაშვილი და ნინო აჩელაშვილი-ხოსიტაშვილი. მათ შორის   არჩევანი ისევ ყოფილ თავმჯდომარეზე  გაკეთდა. თეა გავაშელი “მეცხრე არხთან” განმარტავს, რომ საოლქო საარჩევო კომისიის თავმჯდომარედ ხუთი წლის ვადით აირჩიეს. იგი, აღნიშნულ  თანამდებობას  ოფიციალურად მას შემდეგ დაიკავებს, რაც საარჩევნო კომისიის ხუთი მოქმედი წევრი მის კანდიდატურას კენჭს უყრის.

გაუქმდება თუ არა საარჩევნო კანონმდებლობით გათვალისწინებული  მაჟორიტარული სისტემა? – კონსტიტუციაში შესატან ცვლილებებზე დღეს ახალციხეში იმსჯელეს. რეგიონის შვიდივე მუნიციპალიტეტის ხელმძღვანელი პირები იმ ინიციატივას გაეცვნენ, რომლის მიხედვითაც 2016 წლის შემდგომ პერიოდში არჩევნები მხოლოდ პროპორციული წესით უნდა ჩატარდეს. 2016 წლის შემდგომ პერიოდში  საქართველოში არჩევნები მხოლოდ პროპორციული სისტემის მიხედვით ჩატარდება–ეს ის ცვლილებაა, რომლის მისაღებადაც, აუცილებელია, პარლამენტის 113 წევრმა თანხმობა გამოთქვას. საარჩევნო სისტემაში შესატანი ცვლილების შესახებ ახალციხეშიც იმსჯელეს.

„ქართული ოცნების“  შიდაპარტიული შეხვედრები  გრძელდება. კოალიციის წევრები დღეს ახალციხეში შეიკრიბნენ. სხდომა მედიისთვის დახურულ კარს მიღმა გაიმართა.  როგორც ქალაქის მერმა გიორგი კოპაძემ განმარტა, შეხვედრაზე სამომავლო გეგმები დაისახა. ახალციხეში  შეხვედრას  პარტიის აღმასრულებელი მდივანი გაუძღვა. ირაკლი კობახიძის განმარტებით, პარტიაში არსებული განსხვავებული მოსაზრებების მიუხედავად, კოალიციის წევრები ერთ გუნდად იმუშავებენ. მისივე თქმით, არაა გამორიცხული ახლო მომავალში შიდაპარტიული ცვლილებებიც მოხდეს.

პროექტის „საარჩევნო განვითარების სკოლა 2015“ განხორციელება დაიწყო.  37–ე ახალციხის საარჩევნო ოლქში ტრენინგი მიმდინარეობს. ცესკოს საპილოტე პროგრამაში ჩართული 25 ახალგაზრდა ინფორმაციას საარჩევნო სისტემისა და კანონმდებლობის შესახებ იღებს. ტრენინგები ორი კვირის განმავლობაში გაგრძელდება.  საარჩევნო სისტემები და ადმინისტრაცია, დემოკრატიული საარჩევნო პრინციპები, არჩევნების გამჭვირვალობა, ხელმისაწვდომობა, მასში ჩართული მხარეები და გენდერული თანასწორობა – ეს ის საკითხებია, რომლებზეც 37–ე ახალციხის საარჩევნო ოლქში სემინარი დაიწყო. 25 ახალგაზრდა  თეორიულ მასალასთან ერთად, პრაქტიკულ სავარჯიშოებზეც მუშაობს. ტრენინგის მონაწილეების თქმით, მიღებულ ცოდნას  სამომავლოდ საარჩევნო პროცესში ჩართვისას გამოიყენებენ.

ახალციხის რაიონულ სასამართლოში რატი დემეტრაძის პროცესი კიდევ ერთხელ გადაიდო. ამის მიზეზი,  ბრალდებულის მხრიდან ადვოკატის აცილების მოთხოვნა იყო. რატი დემეტრაძემ საკუთარი უფლებების დასაცავად ადვოკატი ირაკლი ბარძიმაძე მოითხოვა. იქიდან გამომდინარე, რომ ბარძიმაძე სხდომას არ ესწრებოდა, მოსამართლემ შუამდგომლობის დაყენებისაგან თავი შეიკავა და პროცესი გადადო. რატი დემეტრაძის ბრალდებასთან დაკავშირებით, სადაც მას გამოძიება  ხევაშენელი ბესო ენდელაძის  მკვლელობის საქმეზე, დანაშაულის შეუტყობინებლობას ედავება, ადვოკატმა ივანე ტატალაშვილმა საკუთარი ინიციატივით, საპროცესო შეთანხმება მოითხოვა, თუმცა უარი მიიღო. ადვოკატი განმარტავს, რომ დემეტრაძემ აღნიშნულისთვის ბრალი აღიარა და პირობითი მსჯავრის შეფარდება ითხოვა, უარის გამო კი იგი განაწყენდა და სხვა ადვოკატის აყვანა გადაწყვიტა.

იცნობს თუ არა მოსახლეობა იმ მაჟორიტარ დეპუტატს, რომელიც საქართველოს პარლამენტში ახალციხის მუნიციპალიტეტს წამოადგენს, ამის გასარკვევად ,,მე–9 არხმა“ ადგილობრივები გამოიკითხა. როგორც აღმოჩნდა, დეპუტატს, რომელმაც 2012 წელს, ამომრჩეველთა 80%–იანი მხარდაჭერა მიიღო, ადგილობრივთა ნაწილი ვერ იხსენებს, ნაწილიკი ვაჟა ჩიტაშვილს იცნობს.

საქართველოს საარჩევნო კანონმდებლობაში შესაძლოა ცვლილება შევიდეს – მაჟორიტარული სისტემის გაუქმების შესახებ, როგორც პარლამენტში, ასევე მმართველ და ოპოზიციურ პარტიებში განსხვავებული მოსაზრებებია. პროპორციული სისტემის უპირატესობის შესახებ საუბრობენ ახალციხიეში მოქმედი პოლიტიკური პარტიების წევრები. თავად მაჟრიტარი დეპუტატი კი, რომელიც ახალციხის მუნიციპალიტეტს პარლამენტში წარადგენს, მიიჩნევს, რომ არსებული შერეული სისტემა უნდა გაუქმდეს, თუმცა კანონპროექტში რეგიონის ინტერესები უნდა გაითვალისწინონ. ვაჟა ჩიტაშვილი, საქართველოს პარლამენტში, ახალციხის მუნიციპალიტეტის წარმომადგენელია. მაჟორიტარი დეპუტატის მანდატი, მან 2012 წლის საპარლამენტო არჩევნებში, ამომრჩეველთა 80%–იანი მხარდაჭერით მოიპოვა. ,,ერთიანი ნაციონალური მოძრაობის“ დეპუტატი ამბობს, რომ მაჟორიტარული სისტემის გაუქმებას წინა ხელისუფლებაც გეგმავდა, შესაბამისად, ამ ეტაპზე, ისინი ინიციატივას მხარს დაუჭერენ.

რა? სად? როდის? , ფორტ ბოიარდი, ფლეშმობი, ესეებისა და პოსტერების კონკურსი – ეს იმ აქტივობების ჩამონათვალია, რომლებიც პროექტის ,,ევროკავშირის დღეების“ ფარგლებში ჩატარდება. ღონისძიებები ერთი თვის განმავლობაში ახალციხის მერიისა და სამცხე–ჯავახეთის სახელმწიფო უნივერსიტეტის მხადაჭერით გაიმართება. პროექტის მიზანი ახალგაზრდების ინფორმირება და საზოგადოებაში ევროკავშირზე არსებული მცდარი შეხედულებების დამსხვრევაა.

შეუსრულებელი წინასაარჩევნო დაპირება თუ პასუხისმგებლობა, რომელიც რამდენიმე უწყებაზე ნაწილდება– საბარგო სადგურის მოსახლეობა კვლავ  დაპირებების იმედად ცხოვრობს. საკანალიზაციო სისტემისა და სანიაღვრე არხების არ არსებობა მათ არაერთ პრობლემას უქმნის. საბარგო სადგურის დასახლებში ფეკალური მასა თითქმის ყველა ქუჩაზე მოედინება. აქ საკანალიზაციო სისტემა და  სანიაღვრე არხები არ არსებობს. ტალახის გამო შეზღუდულ მოძრაობას თან ანტისანიტარია და გაუსაძლისი სუნი ახლავს. ღია არხების გამო, დაბინძურებული წყალი შენობებს ტბორავს. მაცხოვრებლები ამბობენ,

საარჩევნო გარემო და 2014 წლის ადგილობრივი თვითმმართველობის არჩევნების დროს დაფიქსირებული ხარვეზები– ამ თემებზე ახალციხის დემოკრატიული ჩართულობის ცენტრში შეხვედრა გაიმართა. ცენტრალური საარჩევნო კომისიის თანამშრომლებმა, ადგილობრივ არასამთავობო ორგაზნიაციებისა და მედიის წარმომადგენლებს, მათ მიერ განხორიცელებულ პროგრამებზე ესაუბრნენ.

ბორჯომის მუნიციპალიტეტის მაჟორიტარი დეპუტატი  უმრავლესობაში რჩება. ამის შესახებ გედევან ფოფხაძემ, საგანგებო ბრიფინგზე განაცხადა. ფოფხაძე მიიჩნევს, რომ მისი ადგილი უმრავლესობაშია. რაც შეეხება ფრაქცია “თავისუფალი დემოკრატების” დატოვებას, გადაწყვეტილება იმ პოლიტიკური პრიორიტეტების გათვალისწინებით მიიღო, რომელიც უფრო ღირებულად მიიჩნია.   აქვე ფოფხაძე პარტია „თავისუფალი დემოკრატებისაგან“ პირად წყენას არ უარყოფს, თუმცა, დეტალებზე საუბრისაგან თავს იკავებს. შეგახსენებთ, რომ “თავისუფალმა დემოკრატებმა” საპარლამენტო უმრავლესობა 5 ნოემბერს, მას შემდეგ დატოვეს, რაც პრემიერ-მინისტრმა ირაკლი ალსანია თავდაცვის მინისტრის თანამდებობიდან გაათავისუფლა.

ვინ არიან ის ადამიანები, რომლებიც დაიკავებენ მოადგილეებისა და სამსახურის უფროსების პოსტებს ახალ მთავრობაში? საზოგადოებისათვის ნაცნობი თუ უცნობი სახეები – ახალციხის პირველი პირების დამტკიცებასთან ერთად მოსახლეობისათვის აქტუალური ახალი კადრების დამტკიცების საკითხი ხდება. ქალაქისა და თემის ხელმძღვანელებს მოადგილეები ამ დრომდე არ ჰყავთ, ამბობენ, რომ საკითხი განხილვის პროცესშია და საზოგადოება ახალ შემადგენლობას უახლოეს დღეებში იხილავს.

ასპინძის მუნიციპალიტეტის ახლადარჩეულ საკრებულოში 3 კომისია შეიქმნა. სამივე მათგანს მმართველი პარტიის წარმომადგენელი ხელმძღვანელობს. ასპინძის ადგილობრივი თვითმმართველობის საბოლოდ დასაკომპლექტებლად  აქ უახლოეს მომავალში,  კიდევ 2 კომისიის ჩამოყალიბება იგეგმება.

ახალდარჩეულმა თვითმართველი თემისა და ქალაქის პირველმა პირებმა მუშაობა დღეიდან დაიწყეს.  ისინი ადგილობრივმა საკანონმდებლო ორგანოებმა ოფიციალურად 14 ივლისს დაამტკიცა. ახალციხელთა უმრავლესობისათვის თვითმმართველობის ხელმძღვანელი პირების ვინაობა უცნობია.

ადიგენის მუნიციპალიტეტის საკრებულოს ახალი შემადგენლობა 30 წევრით დაკომპლექტდება, მასში 3 პარტიის წამომადგენლები შევლენ: მაჟორიტარული სიით: 1.  ნუგზარ ქაშიბაძე, დაბა ადიგენიდან – „ქართული ოცნება”  2.  ნანა ბარბლიშვილი, დაბა აბასთუმნიდან –  „ქართული ოცნება”  3. თენგიზ ქომოშვილი, სოფელ არლიდან – ,,ერთიანი ნაციონალური მოძრაობა”  4.  ალექსი ენდელაძე, სოფელ ბენარიდან – ,,ქართული ოცნება”  5.  კობა ჩხიტუნიძე, სოფელ ბოლაჯურიდან – ,,ქართული ოცნება” 6.  ნინა სტეფანოვა, სოფელ გორგულიდან – ,,ქართული ოცნება” 7.  გიორგი მინაძე, სოფელ ვარხნიდან- ,,ქართული ოცნება” 8.  ბაგრატ ხოზრევანიძე, სოფელ ზანავიდან – ,,ქართული ოცნება”  9.  ნუკრი ხვედელიძე, სოფელ ლელოვნიდან – ,,ქართული ოცნება”  10. შალვა გავაშელი, სოფელ  მლაშიდან – ,,ქართული ოცნება” 11. ავთანდილ გობაძე, სოფელ მოხიდან  – ,,ქართული ოცნება” 12. ვაჟა ობოლაშვილი, სოფელ უდიდან – ,,ქართული ოცნება” 13.  ჯონდო ხარაიშვილი, სოფელ ფხეროდან – ,,ერთიანი ნაციონალური მოძრაობა”  14.  მუხრან ხარშილაძე, სოფელ ჩორჩნიდან – ,,ქართული ოცნება”  15.  თეიმურაზ შავაძე, სოფელ ჭეჭლიდან – საინიციატივო ჯგუფი პროპორციული სიით: ,,ქართული ოცნება” 1. მინდია ჯელია  2. ნინო ჩოგოვაძე 3. ლევან ლობჯანიზე 4. თამაზ ძაძამია 5. იმედა მღებრიშვილი 6. რევაზ გოგნაძე 7. ოთარ კვარაცხელია 8. ალექსი გიგოლაშვილი 9. იმედა ხომასურიძე  ,,ერთიანი ნაციონალური მოძრაობა” 1. გივი ენდელაძე 2. თემურ ფეიქრიშვილი 3. რატი ტატალაშვილი 4. დავით ოგანეზიანი ,,ბურჯანაძე– ერთიანი ოპოზიცია” 1. მალხაზ ბოჩიკაშვილი 2. მარლენ ქაფიანიზე

   ადიგენში საკრებულოს თავმჯდომარის პოზიციაზე კენჭს ლევან ლობჯანიძის კანდიდატრურას უყრიან. სამანდატო კომისიის მოთხოვნით, საკრებულოს პირველი პირი ფარული კენჭისყრის საფუძველზე აირჩევა. შეგახსენებთ, რომ ადიგენის მუნიციპალიტეტში სულ 30 დეპუტატი შევა. მათგან 21–,,ქართული ოცნების” წარმომადგენელი, 6–,,ერთიანი ნაციონალური მოძრაობის”, 2–,,ერთიანი ოპოზიციისა” და 1 დამოუკიდებელი კანდიდატები იქნებიან. საკრებულოს თავმჯდომარისა და მოადგილეების ვინაობა ცნობილი რამდენიმე წუთში გახდება.