ეკონომიკა
მისო-ების შემცირების მიუხედავად, გაცემული სესხების მოცულობა გაიზარდა
09:53 / 17.02.2020
მიკროსაფინანსო ორგანიზაციების შემცირების მიუხედავად, ერთ წელიწადში მათ მიერ გაცემული სესხების მოცულობა გაიზარდა, 200-ზე მეტი ადამიანი კი სამსახურის გარეშე დარჩა.
ეროვნული ბანკის ვებ-გვერდზე გამოქვეყნებული ანგარიშების მიხედვით, 2019 წლის მეოთხე კვარტალში ბაზარზე 52 მიკროსაფინანსო ორგანიზაცია ოპერირებდა, რაც 22,3 %-ით ნაკლებია წინა წლის ანალოგიურ პერიოდთან შედარებით. (2018 წლის მეოთხე კვარტალში ბაზარზე სულ 67 მიკროსაფინანსო ორგანიზაცია იყო).
ამავე მონაცემებით, 2019 წლის მეოთხე კვარტალში საფინანსო ბაზრის ამ სექტორში სულ დასაქმებული იყო 4 101 ადამიანი, რაც 286 ადამიანით ნაკლებია წინა წლის ანალოგიურ პერიოდთან შედარებით.
მისო-ების შემცირების მიუხედავად, გაიზარდა მათ მიერ გაცემული მთლიანი სესხების მოცულობა. 2019 წლის მეოთხე კვარტალში მისო-ების მიერ გაცემული იყო 1,129 მლრდ ლარის სესხი, 2018 წლის ანალოგიურ პერიოდში კი 1,101 მლრდ. რაც იმას ნიშნავს, რომ გაცემული სესხების რაოდენობა 28 მლნ ლარით გაიზარდა.
რაც შეეხება გაცემული სესხების სტრუქტურას, 2018 წლის მეოთხე კვარტლის კონსოლიდირებული მონაცემების მიხედვით, მისო-ების მიერ ჯამში გაცემული 1,101 მლრდ ლარის მოცულობის სესხიდან ყველაზე მეტი - 337,116 მლნ ლარი იყო სამომხმარებლო სესხი. გაცემული სესხების მოცულობით მეორე ადგილზეა სალომბარდე მომსახურება. კერძოდ, 2018 წლის მეოთხე კვარტლის მონაცემებით, მიკროსაფინანსოებმა 299, 862 მლნ ლარის ლომბარდული სესხი გასცეს. ვაჭრობისა და მომსახურების სფერო კი მიკროსაფინანსოებმა 187,172 მლნ ლარით დააკრედიტეს.
2019 წლის მეოთხე კვარტლის მონაცემებით კი, გაცემული 1,129 მლრდ ლარის სესხიდან 432,138 მლნ ლარი - სალომბარდე სესხი იყო, 268,978 - სამომხმარებლო სესხი, ხოლო, 110, 536 მლნ ლარი ვაჭრობასა და მომსახურების სექტორზე გაიცა.
ეროვნული ბანკის ვებ-გვერდზე გამოქვეყნებული ანგარიშების მიხედვით, 2019 წლის მეოთხე კვარტალში ბაზარზე 52 მიკროსაფინანსო ორგანიზაცია ოპერირებდა, რაც 22,3 %-ით ნაკლებია წინა წლის ანალოგიურ პერიოდთან შედარებით. (2018 წლის მეოთხე კვარტალში ბაზარზე სულ 67 მიკროსაფინანსო ორგანიზაცია იყო).
ამავე მონაცემებით, 2019 წლის მეოთხე კვარტალში საფინანსო ბაზრის ამ სექტორში სულ დასაქმებული იყო 4 101 ადამიანი, რაც 286 ადამიანით ნაკლებია წინა წლის ანალოგიურ პერიოდთან შედარებით.
მისო-ების შემცირების მიუხედავად, გაიზარდა მათ მიერ გაცემული მთლიანი სესხების მოცულობა. 2019 წლის მეოთხე კვარტალში მისო-ების მიერ გაცემული იყო 1,129 მლრდ ლარის სესხი, 2018 წლის ანალოგიურ პერიოდში კი 1,101 მლრდ. რაც იმას ნიშნავს, რომ გაცემული სესხების რაოდენობა 28 მლნ ლარით გაიზარდა.
რაც შეეხება გაცემული სესხების სტრუქტურას, 2018 წლის მეოთხე კვარტლის კონსოლიდირებული მონაცემების მიხედვით, მისო-ების მიერ ჯამში გაცემული 1,101 მლრდ ლარის მოცულობის სესხიდან ყველაზე მეტი - 337,116 მლნ ლარი იყო სამომხმარებლო სესხი. გაცემული სესხების მოცულობით მეორე ადგილზეა სალომბარდე მომსახურება. კერძოდ, 2018 წლის მეოთხე კვარტლის მონაცემებით, მიკროსაფინანსოებმა 299, 862 მლნ ლარის ლომბარდული სესხი გასცეს. ვაჭრობისა და მომსახურების სფერო კი მიკროსაფინანსოებმა 187,172 მლნ ლარით დააკრედიტეს.
2019 წლის მეოთხე კვარტლის მონაცემებით კი, გაცემული 1,129 მლრდ ლარის სესხიდან 432,138 მლნ ლარი - სალომბარდე სესხი იყო, 268,978 - სამომხმარებლო სესხი, ხოლო, 110, 536 მლნ ლარი ვაჭრობასა და მომსახურების სექტორზე გაიცა.