მოქალაქეებმა, საგანგებო მდგომარეობის და კომენდანტის საათის დარღვევისთვის მიღებული ჯარიმები, სასამართლოში უნდა გაასაჩივრონ - ამბობს ადვოკატი. ნუგზარ სამარჯიშვილს დახმარებისთვის ახალციხის მუნიციპალიტეტში მცხოვრებმა ექვსმა მოქალაქემ მიმართა, რომლებიც მიიჩნევდნენ, რომ ჯარიმა უსაფუძვლოდ გამოუწერეს. საქმე სასამართლოშია, მხარეები სხდომის ჩანიშვნას ელიან. ადვოკატის თქმით, ხელისუფლებას განსაკუთრებით გაუჭირდება სოციალურად დაუცველების იძულება, რომ ჯარიმა გადაიხადონ.