ეკონომიკა
დონორების მხარდაჭერა - რა თანხას იღებენ სამცხე-ჯავახეთის მუნიციპალიტეტები უცხოეთიდან
სამცხე-ჯავახეთმა, ბოლო წლების განმავლობაში, სხვადასხვა მიმართულებით პროექტების განსახორციელებლად უცხოური ორგანიზაციებისგან არაერთი გრანტი მიიღო და მილიონამდე ევრო გახარჯა.
უფრო კონკრეტულად, რომელი პროექტები განხორციელდა რეგიონში უცხოური დაფინანსებით - tv9news.ge-მ სამცხე-ჯავახეთის ექვსივე მუნიციპალიტეტიდან ოფიციალური ინფორმაცია გამოითხოვა. მოკვლევა ეხება 2020-2024 წლებს.
რეგიონული განვითარებისა და ინფრასტრუქტურის სამინისტროდან მიღებულ წერილში ვკითხულობთ, რომ აღნიშნული წლების განმავლობაში, რეგიონის მუნიციპალიტეტებისთვის გამოყოფილი გრანტების ჯამური რაოდენობა 998 907.50 ევროა. ეს თანხა გერმანიის რეკონსტრუქციის საკრედიტო ბანკმა (KfW), ევროპის რეკონსტრუქციისა და განვითარების ბანკმა (EBRD) და შვედეთის საერთაშორისო განვითარების თანამშრომლობის სააგენტომ (Sida) გამოყვეს იმისათვის, რომ რეგიონში „საქართველოს მყარი ნარჩენების ინტეგრირებული მართვის პროგრამა III“-ის ფარგლებში ექსპერტის მომსახურება და მყარი ნარჩენების მართვის პროექტის ტექნიკურ-ეკონომიკური შესწავლა დაფინანსებულიყო.
ადიგენის მუნიციპალიტეტმა მხოლოდ ერთი დაფინანსების შესახებ მოგვაწოდა ინფორმაცია. თვითმმართველობის პასუხიდან ირკვევა, რომ 2023 წელს მერიამ იაპონიის საელჩოს დაფინანსებით, 78 690 დოლარის ფარგლებში შეიძინა მაღალი გამავლობის ორხიდიანი ნაგავმზიდი.
რაც შეეხება ბორჯომის მუნიციპალიტეტს - მერიამ გაეროს განვითარების პროგრამის ფარგლებში 2022 წელს 99 000 ლარის ოდენობით გრანტი მიიღო, რომლის მეშვეობით სოფელ დვირის საბავშვო ბაღის შენობაზე ქსელური ტიპის მზის ელექტროსადგურების შესყიდვა და მონტაჟის სამუშაოები შესრულდა.
ახალქალაქის მერიის მიერ გამოგზავნილ წერილში ვკითხულობთ, რომ მუნიციპალიტეტმა 150 000 ლარის დაფინანსება ადგილობრივი განვითარების ჯგუფ „LAG“-დან მიიღო. თანხა სოფლებში COVID-19-ის პანდემიით გამოწვეული სოციალური საკითხებისთვის გამოიყენეს. გარდა ამისა, მუნიციპალიტეტმა გრანტი მიიღო იაპონიის საელჩოსგან - 56 000 აშშ დოლარის ოდენობით, რითაც ნაგვის შემკრები მანქანა შეისყიდა.
რაც შეეხება ახალციხის მუნიციპალიტეტს - როგორც წერილშია განმარტებული, 2022 წელს გერმანიის საერთაშორისო თანამშრომლობის საზოგადოების (GIZ) პროექტის - „კარგი მმართველობა ადგილობრივი განვითარებისათვის სამხრეთ კავკასიაში“ ფარგლებში მუნიციპალიტეტმა 204 694,55 ლარი მიიღო. თანხა რუსთაველის ქუჩაზე შვიდი შენობის დემონტაჟსა და დეკორატიული ღობის მოწყობას მოხმარდა. წერილში ვერ მოხვდა, თუმცა რამდენიმე დღის წინ დასრულდა ახალციხეში კიდევ ერთი პროექტი. თვითმმართველობამ ევროკავშირის დაფინანსებით 5 000 ევრო მიიღო. როგორც მერიის კულტურის სამსახურის უფროსი ქეთევან მიშველაძე ამბობს, პროექტის ფარგლებში 23 კულტურული ობიექტი აღრიცხეს.
ასპინძის მუნიციპალიტეტიდან გამოთხოვილ ინფორმაციაში მხოლოდ მუნიციპალური განვითარების ფონდის და სამცხე-ჯავახეთის მუნიციპალიტეტებიდან, სხვადასხვა დანიშნულებით მიღებული თანხების შესახებ ვკითხულობთ. ასპინძის მერიას 2021 წელს მუნიციპალური განვითარების ფონდიდან მიღებული აქვს 637,732.49 ლარი, რაც დაბა ასპინძაში ომის მემორიალის მიმდებარე ინფრასტრუქტურისა და სამკუთხა სკვერის მოწყობას მოხმარდა.
ნინოწმინდის მუნიციპალიტეტის მერიიდან მოგვწერეს, რომ 2020-2024 წლებში უცხოური ორგანიზაციებიდან გრანტები არ მიუღიათ.
ბოლო 12 წლის განმავლობაში, რაც ხელისუფლებაში „ქართული ოცნებაა“, სამინისტროებსა და მუნიციპალიტეტებს უცხოური ორგანიზაციებიდან მილიონობით დოლარი აქვს მიღებული. ევროკავშირის და მსოფლიო ბანკის დაფინანსებით, სამცხე-ჯავახეთში არაერთი კულტურული თუ ინფრასტრუქტურული პროექტი განხორციელდა. ამის მიუხედავად, ადგილობრივი ხელისუფლების წარმომადგენლები ანტიდასავლურ განცხადებებს ხშირად აკეთებენ.
„რუსული კანონის“ მიღების გამო, ევროპამ საქართველოსთან თანამშრომლობისა თუ დაფინანსების შეზღუდვების შესახებ განაცხადა, დავინტერესდით, როგორ შეიძლება აისახოს რეგიონის განვითარებაზე.
„ყველაფერი ისე იქნება, როგორც ჩვენს ქვეყანას ეკადრება“, - გვითხრა დავით ლომიძემ და კითხვაზე, როგორ აისახება დასავლეთის მხარდაჭერის შემცირება მუნიციპალიტეტებისა და მოსახლეობის კეთილდღეობაზე, ტელეფონი გაგვითიშა.
ევროკავშირის უმაღლეს წარმომადგენლებს კონკრეტული ფინანსური შეზღუდვებისა თუ სხვა სანქციების შესახებ ჯერ არ მიუღიათ გადაწყვეტილება, თუმცა ევროსაბჭოს საპარლამენტო ასამბლეამ მიიღო რეზოლუცია, რომლის მიხედვით საქართველოს ხელისუფლებას კანონის გაუქმებისკენ მოუწოდა.
ათიათასობით მოქალაქის, საზოგადოებრივი და მედიაორგანიზაციების წინააღმდეგობის მიუხედავად, საქართველოს პარლამენტმა 14 მაისს კანონი "უცხოური გავლენის გამჭვირვალობის შესახებ" მაინც მიიღო, 28 მაისს კი საქართველოს პრეზიდენტის ვეტო დაძლია. საქართველოს ხელისუფლების წარმომადგენლების მტკიცებით, ამ კანონის მიზანია, უცხოეთიდან შემოსული დაფინანსებები გამჭვირვალე იყოს.
კანონის მიხედვით, ის მედია და საზოგადოებრივი ორგანიზაციები, რომლებიც დაფინანსების 20%-ზე მეტს უცხოელი დონორებისგან იღებენ, იძულებულნი ხდებიან დარეგისტრირდნენ, როგორც "უცხოური ძალის ინტერესების გამტარებელი ორგანიზაცია", წინააღმდეგ შემთხვევაში დაჯარიმდებიან. მსგავსი კანონი 2012 წლიდან მოქმედებს რუსეთში. კანონის ამოქმედების შემდეგ ოკუპანტ ქვეყანაში მრავალი ორგანიზაცია დაიხურა. რუსეთში აღარ არსებობს დამოუკიდებელი მედია და სამოქალაქო საზოგადოება.
ე.წ "რუსული კანონის" მიღების გამო აშშ-მ საქართველოს მთავრობის წარმომადგენლების მიმართ სანქციები უკვე აამოქმედა.
უფრო კონკრეტულად, რომელი პროექტები განხორციელდა რეგიონში უცხოური დაფინანსებით - tv9news.ge-მ სამცხე-ჯავახეთის ექვსივე მუნიციპალიტეტიდან ოფიციალური ინფორმაცია გამოითხოვა. მოკვლევა ეხება 2020-2024 წლებს.
რეგიონული განვითარებისა და ინფრასტრუქტურის სამინისტროდან მიღებულ წერილში ვკითხულობთ, რომ აღნიშნული წლების განმავლობაში, რეგიონის მუნიციპალიტეტებისთვის გამოყოფილი გრანტების ჯამური რაოდენობა 998 907.50 ევროა. ეს თანხა გერმანიის რეკონსტრუქციის საკრედიტო ბანკმა (KfW), ევროპის რეკონსტრუქციისა და განვითარების ბანკმა (EBRD) და შვედეთის საერთაშორისო განვითარების თანამშრომლობის სააგენტომ (Sida) გამოყვეს იმისათვის, რომ რეგიონში „საქართველოს მყარი ნარჩენების ინტეგრირებული მართვის პროგრამა III“-ის ფარგლებში ექსპერტის მომსახურება და მყარი ნარჩენების მართვის პროექტის ტექნიკურ-ეკონომიკური შესწავლა დაფინანსებულიყო.
ადიგენის მუნიციპალიტეტმა მხოლოდ ერთი დაფინანსების შესახებ მოგვაწოდა ინფორმაცია. თვითმმართველობის პასუხიდან ირკვევა, რომ 2023 წელს მერიამ იაპონიის საელჩოს დაფინანსებით, 78 690 დოლარის ფარგლებში შეიძინა მაღალი გამავლობის ორხიდიანი ნაგავმზიდი.
რაც შეეხება ბორჯომის მუნიციპალიტეტს - მერიამ გაეროს განვითარების პროგრამის ფარგლებში 2022 წელს 99 000 ლარის ოდენობით გრანტი მიიღო, რომლის მეშვეობით სოფელ დვირის საბავშვო ბაღის შენობაზე ქსელური ტიპის მზის ელექტროსადგურების შესყიდვა და მონტაჟის სამუშაოები შესრულდა.
ახალქალაქის მერიის მიერ გამოგზავნილ წერილში ვკითხულობთ, რომ მუნიციპალიტეტმა 150 000 ლარის დაფინანსება ადგილობრივი განვითარების ჯგუფ „LAG“-დან მიიღო. თანხა სოფლებში COVID-19-ის პანდემიით გამოწვეული სოციალური საკითხებისთვის გამოიყენეს. გარდა ამისა, მუნიციპალიტეტმა გრანტი მიიღო იაპონიის საელჩოსგან - 56 000 აშშ დოლარის ოდენობით, რითაც ნაგვის შემკრები მანქანა შეისყიდა.
რაც შეეხება ახალციხის მუნიციპალიტეტს - როგორც წერილშია განმარტებული, 2022 წელს გერმანიის საერთაშორისო თანამშრომლობის საზოგადოების (GIZ) პროექტის - „კარგი მმართველობა ადგილობრივი განვითარებისათვის სამხრეთ კავკასიაში“ ფარგლებში მუნიციპალიტეტმა 204 694,55 ლარი მიიღო. თანხა რუსთაველის ქუჩაზე შვიდი შენობის დემონტაჟსა და დეკორატიული ღობის მოწყობას მოხმარდა. წერილში ვერ მოხვდა, თუმცა რამდენიმე დღის წინ დასრულდა ახალციხეში კიდევ ერთი პროექტი. თვითმმართველობამ ევროკავშირის დაფინანსებით 5 000 ევრო მიიღო. როგორც მერიის კულტურის სამსახურის უფროსი ქეთევან მიშველაძე ამბობს, პროექტის ფარგლებში 23 კულტურული ობიექტი აღრიცხეს.
ასპინძის მუნიციპალიტეტიდან გამოთხოვილ ინფორმაციაში მხოლოდ მუნიციპალური განვითარების ფონდის და სამცხე-ჯავახეთის მუნიციპალიტეტებიდან, სხვადასხვა დანიშნულებით მიღებული თანხების შესახებ ვკითხულობთ. ასპინძის მერიას 2021 წელს მუნიციპალური განვითარების ფონდიდან მიღებული აქვს 637,732.49 ლარი, რაც დაბა ასპინძაში ომის მემორიალის მიმდებარე ინფრასტრუქტურისა და სამკუთხა სკვერის მოწყობას მოხმარდა.
ნინოწმინდის მუნიციპალიტეტის მერიიდან მოგვწერეს, რომ 2020-2024 წლებში უცხოური ორგანიზაციებიდან გრანტები არ მიუღიათ.
ბოლო 12 წლის განმავლობაში, რაც ხელისუფლებაში „ქართული ოცნებაა“, სამინისტროებსა და მუნიციპალიტეტებს უცხოური ორგანიზაციებიდან მილიონობით დოლარი აქვს მიღებული. ევროკავშირის და მსოფლიო ბანკის დაფინანსებით, სამცხე-ჯავახეთში არაერთი კულტურული თუ ინფრასტრუქტურული პროექტი განხორციელდა. ამის მიუხედავად, ადგილობრივი ხელისუფლების წარმომადგენლები ანტიდასავლურ განცხადებებს ხშირად აკეთებენ.
„რუსული კანონის“ მიღების გამო, ევროპამ საქართველოსთან თანამშრომლობისა თუ დაფინანსების შეზღუდვების შესახებ განაცხადა, დავინტერესდით, როგორ შეიძლება აისახოს რეგიონის განვითარებაზე.
„ყველაფერი ისე იქნება, როგორც ჩვენს ქვეყანას ეკადრება“, - გვითხრა დავით ლომიძემ და კითხვაზე, როგორ აისახება დასავლეთის მხარდაჭერის შემცირება მუნიციპალიტეტებისა და მოსახლეობის კეთილდღეობაზე, ტელეფონი გაგვითიშა.
ევროკავშირის უმაღლეს წარმომადგენლებს კონკრეტული ფინანსური შეზღუდვებისა თუ სხვა სანქციების შესახებ ჯერ არ მიუღიათ გადაწყვეტილება, თუმცა ევროსაბჭოს საპარლამენტო ასამბლეამ მიიღო რეზოლუცია, რომლის მიხედვით საქართველოს ხელისუფლებას კანონის გაუქმებისკენ მოუწოდა.
ათიათასობით მოქალაქის, საზოგადოებრივი და მედიაორგანიზაციების წინააღმდეგობის მიუხედავად, საქართველოს პარლამენტმა 14 მაისს კანონი "უცხოური გავლენის გამჭვირვალობის შესახებ" მაინც მიიღო, 28 მაისს კი საქართველოს პრეზიდენტის ვეტო დაძლია. საქართველოს ხელისუფლების წარმომადგენლების მტკიცებით, ამ კანონის მიზანია, უცხოეთიდან შემოსული დაფინანსებები გამჭვირვალე იყოს.
კანონის მიხედვით, ის მედია და საზოგადოებრივი ორგანიზაციები, რომლებიც დაფინანსების 20%-ზე მეტს უცხოელი დონორებისგან იღებენ, იძულებულნი ხდებიან დარეგისტრირდნენ, როგორც "უცხოური ძალის ინტერესების გამტარებელი ორგანიზაცია", წინააღმდეგ შემთხვევაში დაჯარიმდებიან. მსგავსი კანონი 2012 წლიდან მოქმედებს რუსეთში. კანონის ამოქმედების შემდეგ ოკუპანტ ქვეყანაში მრავალი ორგანიზაცია დაიხურა. რუსეთში აღარ არსებობს დამოუკიდებელი მედია და სამოქალაქო საზოგადოება.
ე.წ "რუსული კანონის" მიღების გამო აშშ-მ საქართველოს მთავრობის წარმომადგენლების მიმართ სანქციები უკვე აამოქმედა.
ამავე კატეგორიაში
სხვა სიახლეები
კვირის პოპულარული
ამინდის პროგნოზი
აბრეშუმის გზა
ხალხის აზრით
პარტნიორი მედიასაშუალებების მასალები
ამინდი
ახალციხე
12
°C
ახალქალაქი
8
°C
ასპინძა
12
°C
ადიგენი
16
°C
ბორჯომი
14
°C
თბილისი
15
°C
აბასთუმანი
11
°C
ბაკურიანი
9
°C
ნინოწმინდა
8
°C
ვალუტა
AMD
1000
7.0920
EUR
1
3.0686
RUB
100
3.3973
TRY
1
0.0706
USD
1
2.7415
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.
