განათლება
სკოლაში სწავლის სავალდებულო წლების რაოდენობა გაიზრდება – მარიამ ჩიქობავა

 

განათლების რეფორმის ფარგლებში არაერთხელ დაანონსდა, რომ სავალდებულო საბაზო განათლება 9-დან 10 წლამდე გაიზრდება. განათლების, მეცნიერების, კულტურისა და სპორტის სამინისტროს ზოგადი განათლების სამმართველოს უფროსი მარიამ ჩიქობავა ადასტურებს, რომ სამინისტრო მუშაობს ახალ სარეფორმო გადაწყვეტილებაზე, რომელიც სკოლის მესამე საფეხურიდან მე-10 კლასის საბაზისო განათლების საფეხურზე ჩამოწევას გულისხმობს.

„ვფიქრობ, რომ მეათე კლასი ჩამოვიდეს საბაზო საფეხურზე, როგორც სავალდებულო წელი, ანუ გაიზრდება სავალდებულო განათლების წლების რაოდენობა. მე-11 და მე-12 კლასი კი უფრო მეტად იქნება ორიენტირებული უმაღლეს განათლებაზე და აქ ვფიქრობთ, რომ სკოლებს უფრო მეტი დიფერენცირების შესაძლებლობა მივცეთ. სკოლებს სჭირდებათ საკმაოდ კარგი მომზადება იმისთვის, რომ უფრო მეტად გამოიკვეთოს პროფილი და ის მრავალფეროვანი ინტერესები, რაც შეიძლება მოსწავლეს გააჩნდეს. როდესაც ვახსენებ პროფილს, ამაში ზუსტად ვგულისხმობ ჰუმანიტარულ ან საბუნებისმეტყველო მიმართულებას, თუმცა ვნახოთ, შეიძლება ასე მკაცრად დიფერენცირებული არ იყოს და უფრო მეტი შესაძლებლობის უფლება მივცეთ სკოლებს როგორ დაგეგმონ მე-11 და მე-12 კლასები“, – განაცხადა მარიამ ჩიქობავამ.

მან ასევე აღნიშნა, რომ თუ რეფორმა წავა იმ მიმართულებით, რომ პროფილური განათლების კურსი შენარჩუნდეს, აქცენტი გაკეთდება არჩევით საგნებზე და მრავალფეროვან არჩევით კურსებზე.

„ჩვენ არ გვინდა, რომ ეს იქცეს იმგვარ კურსებად, როგორიც ახლა გვაქვს. რეალურად, დღეს არსებულ კურსებზე სახელმძღვანელოების და სასწავლო რესურსების პრობლემაა და ამავე დროს პედაგოგის კვალიფიკაციის პრობლემაც. აუცილებელია, რა კურსებიც იქნება შეთავაზებული, მას მოჰყვეს სახელმძღვანელო, თუ სრულყოფილი არა, მინიმუმ გზამკვლევი მაინც, სადაც დეტალურად იქნება მოცემული ყველა საჭირო ინფორმაცია პედაგოგისთვის და ამავე დროს, უნდა მოვახერხოთ პედაგოგების შესაბამისად გადამზადება. ამ ყველაფერს მთელი წინა მოსამზადებელი პერიოდი სჭირდება და არ გვინდა, რომ ასე მივიღოთ გადაწყვეტილება“, – განაცხადა ჩიქობავამ.

ის ფაქტი, რომ სკოლებში სწავლების საბაზო საფეხური ათწლიანი გახდება, წლის შემაჯამებელ ღონისძიებაზე კიდევ ერთხელ დაადასტურა მინისტრის მოადგილე ირინა აბულაძემაც, მისი თქმით, დღევანდელი სკოლის მოდელი ვეღარ პასუხობს საერთაშორისო სტანდარტებს და ცვლილება აუცილებელია.

წყარო.edu.aris.ge
Facebook Twitter
პარტნიორი მედიასაშუალებების მასალები
ამინდი
ახალციხე 15 °C
img
ახალქალაქი 12 °C
img
ასპინძა 18 °C
img
ადიგენი 15 °C
img
ბორჯომი 16 °C
img
თბილისი 20 °C
img
აბასთუმანი 12 °C
img
ბაკურიანი 9 °C
img
ნინოწმინდა 12 °C
img
ვალუტა
EUR
EUR
1
3.4801
RUB
RUB
100
4.4615
TRY
TRY
1
0.4687
USD
USD
1
3.1916
AMD
AMD
1000
6.6219
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.