2020 წლის პირველი ახალმთვარეობა მოხდება 25 იანვარს, 23:42-ზე. როგორც იცით, ახალმთვარეობა დგება ორი დიდი მნათობის - მზისა და მთვარის შეერთების დროს. წლის პირველი ახალმთვარეობა იქნება მოულოდნელი და შეიძლება აგვირიოს ყველა დაწყობილი გეგმა, სკანდალურიც, მოიმატებს ნერვული დაძაბულობა, გაღიზიანება, გარდა ამისა, ურანი რევოლუციონერიცაა და არ მოუნდება კანონის, წესრიგს დამორჩილება.
ვერძი - ჩამოყალიბდით, რა გსურთ მომავალში, არ იგულისხმება კარიერული მიღწევა, მთავარია, რა სურს თქვენს სულს, შინაგან სამყაროს, რომ განახორციელოს მომავალში. გადახედეთ გარემოცვას, მეგობრებს, თანამოაზრეებს. შეიძლება შექმანთ ახალი ინტერესთა ჯგუფი, ან გაწევრდეთ ასეთში. ინტერნეტპროექტების განხორცილებისთვის კარგი პერიოდია. აგრეთვე, გაუმართლებთ მათ, ვისი პროფესიაც ინტერნეტ და აიტი ტექნოლოგიებთანაა დაკავშირებული.
კურო - მთვარის ახალი თვე მოითხოვს, გადახედოთ ძველ საქმეებს და დაისახოთ სამომავლო გეგმა. თქვენი ბიზნესმიზნები ნაბიჯ-ნაბიჯ უნდა იყოს ჩამოწერილი. კარგი შანსი აქვთ მას, ვისაც სურს კონკურსში მონაწილეობის მიღება, დაწინაურება და კარიერული წინსვლა. შანსი მოგეცემათ, გახდეთ საუკეთესო თქვენს საქმიანობაში.
ტყუპები - 25 იანვრის ახალმთვარეობა გაძლევთ დავალებას, რომ გარშემო მყოფებისთვის გახდეთ ავტორიტეტი თქვენი კარგი ქმედებით, თქვენს სპეციალობაში დაიმსახუროთ ხალხის პატივისცემა. აგრეთვე კარგია, სწავლის დაწყება ან გაგრძელება, კვალიფიკაციის ამაღლება, თქვენთვის საჭირო კურსის გავლა. გარდა ამისა, ამ მთვარის თვეში მარტივად მოაგვარებთ იურიდიულ საკითხებს. განსაკუთრებით, თუ გსურთ საზღვარგარეთ გამგზავრება, ვიზის აღება, ემიგრაცია და ა.შ. გამონახეთ დრო სულიერი განვითრებისთვის.
კირჩხიბი - თქვენ მოგეთხოვებათ, გაერკვეთ ფინანსურ საკითხებში - კრედიტებსა და გადასახადებში, მემკვიდრეობისა და სადაზღვევო საკითხებში. გარდა ამისა, დაინტერესდეთ საქმიანი და სასიყვარულო პარტნიორების ფინანსური მდგომარეობებითაც. სასურველია, ამ მთვარის თვეში დააბანდოთ ფული საქმიან სფეროში. რაც საშუალებას მოგცემთ უზრუნველად იცხოვროთ მუშაობის გარეშე. ან თუნდაც ყულაბაში დაიწყოთ ფულის მოგროვება კონკრეტული ბიზნეს თემისთვის. ესეც ძალიან კარგი იქნება.
ლომი - მნიშვნელოვანი მთვარის თვეა, რადგან ურთიერთობა უნდა გააუმჯობესოთ თქვენს საქმიან და სასიყვარულო პარტნიორებთან. უნდა გაგაფრთხილოთ, რომ თქვენი მზე დაძაბულ ასპექტშია პლანეტა ურანთან (ურანი არის მერწყულის მმართველი პლანეტა, სადაც ახალმთვარეობა დგება) და ბალანსის შესანარჩუნებლად განსაკუთრებული ძალისხმევა დაგჭირდებათ. ამიტომ, მოთმინებით აღიჭურვეთ (რამდენადაც შეგიძლიათ მოთოკეთ ემოციები), რათა მშვიდად განვლოთ ეს რამდენიმე დღე. ეცადეთ, მეტად გაითვალიწინოთ საყვარელი ადამიანის და ბიზნეს პარტნიორის მოთხოვნები. ახალმთვარეობიდან ერთი კვირის შემდეგ დაიწყეთ ახალი პარტნიორების მოძიება საქმეებისთვის და ხელშეკრულებებიც ამ პერიოდში გააფორმეთ.
ქალწული - მეტი ყურადღება მიაქციეთ ჯანმრთელობას, სხეულის სიჯანსაღეს. კარგია პროფილაქტიკა, გამაჯანსაღებელი პროცედურების ჩატარება. კოსმეტოლოგიური საკითხებიც სარგებელს მოგიტანთ. თუმცა, ქალწულისთვის მაინც ყველაზე მნიშვნელოვანი სამსახურია. პროდუქტიული მთვარის თვე გელით. აიმაღლეთ კვალიფიკაცია, ჩაეწერეთ კურსებზე, რაც კარიერული წინსვლის შესაძლებლობას მოგცემთ. ეცადეთ, რომ თქვენს გუნდში სხვებზე მეტად იყოთ გამორჩეული პროფესიონალიზმით. თუ უფროსი ხართ, ეცადეთ გააუმჯობესოთ დამოკიდებულება კოლეგებთან და სწორად გადაანაწილოთ ვალდებულებები.
სასწორი - 25 იანვრის ახალმთვარეობა მოითხოვს თქვენგან, რომ გააუმჯობესოთ ურთიერთობა შვილებთან, წარმატება ელით მათ, ვინც აწყობს ბავშვებისთვის სიურპრიზებს, კონცერტებს. საკუთრი ჰობი და გასართობი მეტ სასიამოვნო შედეგს მოგიტანთ. დაესწარით კონცერტს, თეატრალურ წარმოდგენას, პრეზენტაციას. აგრეთვე, მეტად უნდა გამოავლინოთ თქვენი შემოქმედებითობა, ეცადეთ იყოთ ყურადღების ცენტრში. აგრეთვე, სასურველია, მეტი სიყვარული და მზრუნველობა ჩადოთ საყვარელ ადამიანთან მიმართებაში. მოუმზადეთ სიურპრიზი, საჩუქარი. ამით თავად მიიღებთ სიამოვნებას და რომანტიკულ ურთიერთობასაც გაიუმჯობესებთ.
მორიელი - გააუმჯობესეთ ურთიერთობა მშობლებთან, ნათესავებთან. ეცადეთ, მეტი გაიგოთ საკუთარი წინაპრების, "ფესვების" შესახებ. ეს დაგეხმარებათ მომავალში უფრო მყარი ფუნდამენტი შექმნათ. ეს მთვარის თვე აგრეთვე გაძლევთ შანსს, რომ მოაგვაროთ (ან დაიწყოთ მაინც) უძრავ ქონებასთან (ბინა, მიწის ნაკვეთი) დაკავშირებული საკითხი. სასურველია, ერთად შეკრიბოთ ნათესაობა. მოუმზადოთ მათ სუფრა, თუნდაც ტკბილეულის და ისაუბროთ წინაპრებზე, გაიხსენოთ ისინი. თუ ეს ღონისძიება არ გიხერხდებათ, ტელეფონით მაინც შეეხმიანეთ მათ, ნათესავებთნ ურთიერთობის გაუმჯობესებით კოსმიურ ძალას, მხარდაჭერას გაიძლიერებთ.
მშვილდოსანი - 25 იანვარიდან გახშირდება შეხვედრები, მიმოსვლები, კომუნიკაციები. ერთი სიტყვით, დიდ ინფორმაციულ ოკეანეში აღმოჩნდებით და ამ დროს უნდა იყოთ ყურადღებით, რადგან ყველა ადამიანს ვერ ენდობით. როგორგ წესი, თქვენ ყველასთვის გულგახსნილი და მიმდობი ხართ და ეცადეთ, ამ პერიოდში მაინც გამიჯნოთ ერთმანთისგან სანდო ადამიანები და მოერიდეთ საეჭვო პირებთან ურთიერთობას. გააუმჯობესეთ დამოკიდებულება და-ძმებთან, მეზობლებთან. შეგიძლიათ მცირე სიურპრიზიც კი მოუწყოთ მათ, თუნდაც კანფეტით დაასაჩუქროთ, რათა თქვენი კეთილგანწყობა დაანახოთ და მომავლისთვის გაიუმჯობესოთ კავშირი. აგრეთვე, კარგი დროა რაიმეს სწავლის დასაწყებად და მანქანასთან დაკავშირებული პრობლემების მოსაგვარებლად, რადგან მთვარის ამ თვეში ბევრი გადაადგილება გელით.
თხის რქა - თქვენი ძირითადი დავალებაა, მოაგვაროთ მატერიალური საკითხები. როგორც წესი, პროფესიონალი ხართ და კარგად იცით თქვენი საქმე, მაგრამ ეცადეთ, თქვენი ცოდნა და გამოცდილება მეტად მიმართოთ მატერიალური მდგომარეობის გაუმჯობესებაზე. სამსახურში დაანახეთ კოლეგებს, რომ მცოდნე და შეუცვლელი კადრი ხართ. ეს მთვარის თვე კარგია საყიდლებისთვისაც. თუმცა, მოერიდეთ ახალმთვარეობაზე დაახლოებით, 3 დღე ახალი რამის შეძენას.
მერწყული - წლის პირველი ახალმთვარეობა თქვენს ნიშანში ხდება, რაც ნიშნავს, რომ თქვენთვის ახალი წლის ციკლი იწყება, ამ მთვარის თვეში მეტი დრო უნდა დაუთმოთ საკუთარ თავს. მიხედეთ სტილს, იმიჯს, გარეგნობას. განაახლეთ გარდერობი. ახალმთვარეობიდან 1 კვირის შემდეგ შეგიძლიათ დაიწყოთ ახალ პროექტებზე მუშაობა. მიუხედავად იმისა, რომ მეგობრები და კოლეგები თქვენთვის მნიშვნელოვანია, ამ მთვარის თვეში მეტად უნდა გამოავლინოთ ლიდერობა. ნუ შეუშინდებით სიახლეებს, ენერგია საკმარისი გაქვთ, ჩამოყალიბდით, რა გსურთ და წინ, გამარჯვებებისკენ!
თევზები - ეს მთვარის თვე საშუალებას გაძლევთ დაკავდეთ იმ საქმიანობით, რაც სულიერ სიამოვნებას განიჭებთ. ზოგიერთი შეიძლება მონასტერში განმარტოვდეს, წმინდა, ენერგიულად ძლიერი ადგილები და ტაძრები მოინახულოს, ან დასასვენებად გაემგზავროს, სადაც სიმშვიდესაც და სულიერ განათლებასაც მიიღებს. აგრეთვე, კარგია მცირე ხნით განმარტოება და საკუთარ თავში ჩაღრმავება, მედიტაცია. კარგ შედეგს მოგიტანთ შემოქმედებითი საქმიანობა, ვიდეო და ფოტო გადაღება. გამონახეთ დრო მუსიკისა და ხელოვნებისთვის. ზოგიერთს ქველმოქმედების სურვილი გაუჩნდებათ. ეს უკანასკნელი კი კიდევ უფრო წაადგება თქვენს კარმას.
და ბოლოს, გახსოვდეთ, როგორც შეხვდებით ახალმთვარეობას, ისე გაივლის მთელი თვე. ამიტომ ეცადეთ, იყოთ ხალისიანი, კეთილი, მადლიერი, საქმეზე ორიენტირებული.