გამოწვევებს თავი წარმატებით გავართვით - ახალციხის რესურსცენტრის უფროსი
20:32 / 16.06.2020
ახალციხის მუნიციპალიტეტში სულ 38 საჯარო და ერთი კერძო სკოლაა, სადაც 6 000-მდე მოსწავლე სწავლობს. საგანმანათლებლო დაწესებულებიდან 12 სომხურენოვანია, ორი კი ორსექტორიანი. ქალაქსა და სოფლებში წელს მე-12 კლასი 430-მდე მოსწავლემ დაამთავრა.
საგანმანათლებლო რესურსცენტრის უფროსი ამბობს, რომ დისტანციური სწავლების გამოწვევები წარმატებით დაძლიეს. ხათუნა ხმალაძის თქმით, მოსწავლეები, რომლებსაც ინტერნეტის ან ტექნიკური აღჭურვილობის არქონის გამო, ვერ ერთვებოდნენ გაკვეთილებში, მათთვის ალტერნატივა ტელესკოლის პროექტი იყო.