ამ რეგულაციების მიღებით სამთო-სათხილამურო და სასტუმრო ბიზნესები მოვკალით - ვატო ასათაშვილი
18:54 / 30.11.2020
ტურიზმის ექსპერტი სფეროში შექმნილ ვითარებას საგანგაშოს უწოდებს და აცხადებს, რომ ხელისუფლების ნაბიჯები არ არის მიმზიდველი მოქალაქეებისა და ბიზნესებისთვის. განსაკუთრებით რთულ მდგომარეობაში აღმოჩდნენ ზამთრის კურორტები.
,,ჩვენ ამ რეგულაციების მიღებით სამთო-სათხილამურო და სასტუმრო ბიზნესები მოვკალით" - აცხადებს ვატო ასათაშვილი.
მისივე თქმით, მცირე ბიზნესისა და თვითდასაქმებულების ხმა ხელისუფლებამდე ვერ მიდის.
,,ეს არის ტოტალური ლოქდაუნი, მცირე და საშუალო ბიზნესის 80% გაჩერებულია. კრიტიკული მასის გასაჭირს მთავრობა ვერ ხედავს" - მიაჩნია ექსპერტს.
ვატო ასათაშვილის თქმით, სახელმწიფოს დახმარება ხარჯების არაადექვატურია.