დევნილთა და სოციალურად დაუცველთა ორგანიზაცია "თანადგომის" ექსპერტი თვლის, რომ პანდემიის ფონზე განსაკუთრებით რთულ სიტუაციაში სოციალურად დაუცველები აღმოჩნდნენ. მარინა გერლიანის აზრით, ყველა სოციალურად დაუცველი ოჯახისთვის ფულადი დახმარება ახლა სასიცოცხლოდ მნიშვნელოვანია. მისივე თქმით, სახელმწიფო ამ ოჯახების სოციალურ ქულებს კი არ უნდა ითვლიდეს, არამედ ყველაფერი უნდა გააკეთოს იმისთვის, რომ პანდემიის პირობებში, მეტი ეკონომიკურად შეჭირვებული ადამიანის სიცოცხლე გადაარჩინოს.