სამცხე-ჯავახეთი ერთ-ერთი გამორჩეული რეგიონია, სადაც რეგულაციებს მაქსიმალურად იცავენ - ამბობს სახელმწიფო რწმუნებული სამცხე-ჯავახეთის მხარეში. ბესიკ ამირანაშვილის თქმით, ვირუსის გავრცელების პრევენციის მიზნით, თვითმმართველობები შერეული სისტემით - ნაწილობრივ დისტანციურად მუშაობენ. რაც შეეხება ინფრასტრუქტურულ პროექტებს - გუბერნატორის თქმით, კორონავირუსმა რეგიონში პროექტების განხორციელება მცირედით შეაფერხა, თუმცა სამუშაოები რეგულაციების დაცვით გაგრძელდა.
ბესიკ ამირანაშვილი ამბობს, რომ ადგილობრივი ხელისუფლება ჩაერთვება ვაქცინაციის შესახებ მოქალაქეებისთვის სწორი ინფორმაციის მიწოდებაშიც.