ჯანდაცვა
ჯანდაცვის პირველადი დახმარების გარეშე დარჩენილი სოფლები (ვიდეო)
18:43 / 24.12.2019
რამდენად ხელმისაწვდომია სოფლად მცხოვრები მოსახლეობისთვის პირველადი ჯანდაცვა, ახალციხის რამდენ სოფელში ფუნქციონირებს ამბულატორია და რას ითხოვენ სოფლის ექიმები? კვალიფიციური მედპერსონალის ნაკლებობა და მოშლილი ინფრასტრუქტურა - ხელისუფლების პასუხები და ადგილობრივების პრობლემები ნახეთ მეცხრე არხის მიერ მომზადებულ სიუჟეტში.
თანასოფლელებისთვის პირველადი სამედიცინო დახმარების გაწევა კატია ასლანიანს თითქმის ყოველდღე უწევს. ახალგაზრდა ქალი ახალციხის სოფელ წირაში ცხოვრობს. იმის გამო, რომ სამედიცინო პუნქტი წირასა და მახლობელ სოფლებში არ ფუნქციონირებს, ხშირად წყრუთსა და მიქელწმინდაშიც ფეხით უწევს მისვლა. ადამიანების დახმარება მოსწონს, მაგრამ ფიქრობს, რომ ამბულატორიის ფუნქციონირება მოქალაქეებს ჯანმრთელობის გაუმჯობესებაში დაეხმარება.
ეს სოფელი მიქელწმინდაა, რომელიც წყრუთის თემში მდებარეობს. ქართველებით, ბერძნებითა და სომხებით დასახლებულ სოფელში ფირნიში არ დგას, რის გამოც მოხუცების ამარა დარჩენილ დასახლებას ზოგჯერ სასწრაფოც ვერ აგნებს. სოფლის მოსახლეობის პრობლემების ჩამონათვალს ბოლო არ უჩანს, თუმცა სამ მთავარ საკითხად მაინც - უგზოობას, უწყლობასა და ამბულატორიის უქონლობას ასახელებენ. მოხუცების სოფელი ხელისუფლებისგან დახმარებას ითხოვს.
ახალციხის მერიაში განმარტავენ, რომ სოფლად მცხოვრები მოსახლეობისთვის ჯანდაცვის ხელმისაწვდომობის პრობლემის მოგვარება ორი მიმართულებით უნდა მოხდეს. სოფლებში უნდა მოწესრიგდეს ამბულატორიები და გაიზარდოს კვალიფიციურ ექიმთა რაოდენობა. მუნიციპალიტეტის მერის ზაზა მელიქიძის თქმით, ჯანდაცვის სამინისტროს სახელმწიფო პროგრამა „პირველადი ჯანდაცვის მომსახურება სოფლად“ გეგმის მიხედვით ხორციელდება.
სახელმწიფო პროგრამის მიხედვით, “სოფლის ექიმს” ეკრძალება: ფორმა № IV-100ა-ს, მართვის მოწმობისა და იარაღის შეძენის ნებართვის მისაღებად წარსადგენი ცნობების გაცემა. დანარჩენ შემთხვევაში ყველა იმ სერვისს ითვალისწინებს, რომლითაც კლინიკაში მისული ნებისმიერი მოქალაქე სარგებლობს. ლიანა ზედგინიძე სოფლების - აწყურისა და თისელის მოსახლეობის ჯანმრთელობაზე ზრუნავს. ამბობს, რომ ექიმთა სიმცირის გამო ზოგიერთ სოფელში მოსახლეობას პირველად მომსახურებას ექთნები უწევენ. ტრანსპორტირება კი სოფლის ექიმებისთვის მოუგვარებელ პრობლემად რჩება.
2019 წელს აშენდა 7 ახალი და რეაბილიტაცია ჩაუტარდა 3 არსებულ ამბულატორიას. ახალციხის მერიის ცნობით, მუნიციპალიტეტის 45 სოფლიდან ამბულატორია მხოლოდ 15 სოფელშია. ვიდრე სოფლებში ამბულატორიის პრობლემა მოგვარდება, კატია ასლანიანს თანასოფლელთა დახმარება ისევ საკუთარი სახლიდან ხშირ შემთხვევაში ფეხით მოსიარულეს მოუწევს.
თანასოფლელებისთვის პირველადი სამედიცინო დახმარების გაწევა კატია ასლანიანს თითქმის ყოველდღე უწევს. ახალგაზრდა ქალი ახალციხის სოფელ წირაში ცხოვრობს. იმის გამო, რომ სამედიცინო პუნქტი წირასა და მახლობელ სოფლებში არ ფუნქციონირებს, ხშირად წყრუთსა და მიქელწმინდაშიც ფეხით უწევს მისვლა. ადამიანების დახმარება მოსწონს, მაგრამ ფიქრობს, რომ ამბულატორიის ფუნქციონირება მოქალაქეებს ჯანმრთელობის გაუმჯობესებაში დაეხმარება.
ეს სოფელი მიქელწმინდაა, რომელიც წყრუთის თემში მდებარეობს. ქართველებით, ბერძნებითა და სომხებით დასახლებულ სოფელში ფირნიში არ დგას, რის გამოც მოხუცების ამარა დარჩენილ დასახლებას ზოგჯერ სასწრაფოც ვერ აგნებს. სოფლის მოსახლეობის პრობლემების ჩამონათვალს ბოლო არ უჩანს, თუმცა სამ მთავარ საკითხად მაინც - უგზოობას, უწყლობასა და ამბულატორიის უქონლობას ასახელებენ. მოხუცების სოფელი ხელისუფლებისგან დახმარებას ითხოვს.
ახალციხის მერიაში განმარტავენ, რომ სოფლად მცხოვრები მოსახლეობისთვის ჯანდაცვის ხელმისაწვდომობის პრობლემის მოგვარება ორი მიმართულებით უნდა მოხდეს. სოფლებში უნდა მოწესრიგდეს ამბულატორიები და გაიზარდოს კვალიფიციურ ექიმთა რაოდენობა. მუნიციპალიტეტის მერის ზაზა მელიქიძის თქმით, ჯანდაცვის სამინისტროს სახელმწიფო პროგრამა „პირველადი ჯანდაცვის მომსახურება სოფლად“ გეგმის მიხედვით ხორციელდება.
სახელმწიფო პროგრამის მიხედვით, “სოფლის ექიმს” ეკრძალება: ფორმა № IV-100ა-ს, მართვის მოწმობისა და იარაღის შეძენის ნებართვის მისაღებად წარსადგენი ცნობების გაცემა. დანარჩენ შემთხვევაში ყველა იმ სერვისს ითვალისწინებს, რომლითაც კლინიკაში მისული ნებისმიერი მოქალაქე სარგებლობს. ლიანა ზედგინიძე სოფლების - აწყურისა და თისელის მოსახლეობის ჯანმრთელობაზე ზრუნავს. ამბობს, რომ ექიმთა სიმცირის გამო ზოგიერთ სოფელში მოსახლეობას პირველად მომსახურებას ექთნები უწევენ. ტრანსპორტირება კი სოფლის ექიმებისთვის მოუგვარებელ პრობლემად რჩება.
2019 წელს აშენდა 7 ახალი და რეაბილიტაცია ჩაუტარდა 3 არსებულ ამბულატორიას. ახალციხის მერიის ცნობით, მუნიციპალიტეტის 45 სოფლიდან ამბულატორია მხოლოდ 15 სოფელშია. ვიდრე სოფლებში ამბულატორიის პრობლემა მოგვარდება, კატია ასლანიანს თანასოფლელთა დახმარება ისევ საკუთარი სახლიდან ხშირ შემთხვევაში ფეხით მოსიარულეს მოუწევს.