კორონავირუსით დაინფიცირებულთა რაოდენობა საქართველოში 48-მდე გაიზარდა
15:38 / 21.03.2020
საქართველოში კორონავირუსი კიდევ ერთ პირს დაუდასტურდა. ამის შესახებ ინფორმაცია მთავრობის მიერ შექმნილ ვებ-გვერდზე stopcov.ge-ზე განთავსდა. განახლებული ინფორმაციით, ქვეყანაში ინფექცია covid-19 მატარებელი 48 პირია. მათ შორის ერთი გამოჯანმრთელებულია.
კარანტინის რეჟიმში 1 966 ადამიანი რჩება, სტაციონარში მეთვალყურეობის ქვეშ კი 259 პირი.