ჯანდაცვა
რამდენი ადამიანი დარეგისტრირდა სამცხე-ჯავახეთში ვაქცინის გასაკეთებლად?
სინოფარმის ვაქცინით აცრა რეგიონის ხუთ მუნიციპალიტეტშია შესაძლებელი. სპეციალურ ვებ-გვერდზე აღნიშნული ვაქცინით აცრის მსურველი (2 მაისის მონაცემით) სამცხე-ჯავახეთში 152 პირია. ვაქცინაცია შესაძლებელია რეგიონის ხუთ - ადიგენის, ახალციხის, ასპინძის, ბორჯომისა და ახალქალაქის საავადმყოფოებში. რეგისტრაციის მიხედვით მუნიციპალიტეტებში მსურველთა რაოდენობა ასე გადანაწილდა.

ახალციხე– 37,
ბორჯომი– 108,
ასპინძა– 6,
ადიგენი–1
ახალქალაქი-0.

ქვეყანაში ჩინური ვაქცინით ,, სინოფარმით’’ იმუნიზაცია 4 მაისიდან დაიწყება და ამ პროცესში ბორჯომის სამედიცინო ცენტრი - ჯეო ჰოსპიტალიც ჩაერთო.

ცენტრის ამბულატორიული ხელმძღვანელის თეა გოგალაძის განცხადებით, აცრის გაკეთება მსურველებს ადგილზე შეეძლებათ. ვაქცინაციიდან 45 წუთის განმავლობაში პაციენტი დაკვირვების ქვეშ იქნება. გართულების შემთხვევაში კი საჭირო დახმარებას აღმოუჩენენ.

„ბორჯომში ვაქცინაცია 4 მაისიდან ჩინური წარმოების ვაქცინით განახლდება. მოსახლეობას ვაქცინაცია კვირაში სამჯერ - ორშაბათს, ოთხშაბათსა და პარასკევს შეეძლება. რეგისტრაცია უკვე დაწყებულია, რაც შეეხება ვაქცინას მას საზოგადოებრივი ჯანდაცვის ცენტრი მომავალ კვირაში მოგვაწვდის, ზუსტი დოზა არ ვიცით. იმდენი ვაქცინა შემოვა, რამდენიც საჭირო იქნება“ - აცხადებს ბორჯომის სამედიცინო ცენტრის დირექტორი ირაკლი დიასამიძე.

კორონავირუსის საწინააღმდეგო ვაქცინა ორ ეტაპიანია. მსურველებს აცრის გაკეთება 21-28 დღიანი შუალედით შეუძლიათ. რეგისტრაციის გავლა უკვე შესაძლებელია იმუნიზაციის პორტალზე booking.moh.gov.ge.


ასტრაზენეკით აცრის მსურველი ახალციხეში კლინიკა ევექსში დარეგისტრირებული კიდევ 14 პირია, რომლებიც ვაქცინაციის მიღებას 4 ან 11 მაისს შეძლებენ. რადგან, ვაქცინაცია კვირაში მხოლოდ ორ დღეს არის შესაძლებელი.

ვაქცინაციის პროცესი თავდაპირველად კლინიკა „იმედში“ მიმდინარეობდა თუმცა ახალგაზრდა მედიკოსის გარდაცვალების შემდეგ, კლინიკა პროცესს 9 აპრილს გამოეთიშა.

AstraZeneca/Oxford-ის ვაქცინის 1 400 დოზა სამცხე-ჯავახეთში 14 მარტს შემოიტანეს. რეგიონში ვაქცინაცია 15 მარტს, კლინიკა "იმედში" დაიწყო, თუმცა 18 მარტს, როცა მეგი ბაქრაძეს ვაქცინის გაკეთების შემდეგ სავარაუდოდ, ანაფილაქსიური შოკი განუვითარდა და გარდაიცვალა, პროცესი შეწყდა.

ახალციხის კლინიკა "იმედიდან" ვაქცინა რვა აპრილს გაიტანეს, რადგან დაავადებათა კონტროლის ეროვნული ცენტრის გადაწყვეტილებით, სამედიცინო დაწესებულება კორონავირუსის საწინააღმდეგო ვაქცინაციის პროცესს გამოეთიშა. მოგვიანებით გადაწყდა, რომ მის ნაცვლად ვაქცინაცია რეფერალურ ჰოსპიტალში განხორციელდებოდა. ვაქცინა 12 აპრილს გაიტანეს ახალქალაქიდანაც. ჯავახეთში ამ ეტაპზე დარჩენილია მხოლოდ ერთი ამპულა.

Facebook Twitter
სხვა სიახლეები
ამინდი
ახალციხე 18 °C
img
ახალქალაქი 16 °C
img
ასპინძა 19 °C
img
ადიგენი 22 °C
img
ბორჯომი 22 °C
img
თბილისი 27 °C
img
აბასთუმანი 16 °C
img
ბაკურიანი 13 °C
img
ნინოწმინდა 16 °C
img
ვალუტა
EUR
EUR
1
3.8523
RUB
RUB
100
4.4253
TRY
TRY
1
0.3781
USD
USD
1
3.1701
AMD
AMD
1000
6.1074
კალენდარი
«« ივნისი  »»
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1234
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.