ახალციხეში, უფასო კარდიოლოგიური კონსულტაციები 25 მარტამდე გრძელდება
15:28 / 24.03.2017
ახალციხეში, სამედიცინო ცენტრში "სიცოცხლის ხე", უფასო კარდიოლოგიური კონსულტაციები მიმდინარეობს.
საქართველოს კარდიოლოგთა ასოციაციის გენერალური მდივანი, მედიცინის დოქტორი ექიმი-კარდიოლოგი ვაჟა აგლაძე დღეს, 24 მარტს 60–მდე პაციენტს მიიღებს.
გამოკვლევების ჩატარება, მხოლოდ ერთი დღის განმავლობაში იყო დაგეგმილი. თუმცა, პაციენტების სიმრავლის გამო, აქცია მეორე დღესაც გაგრძელდება. ექიმი-კარდიოლოგი დღეს ჩაწერილი მოსახლეობის დარჩენილ ნაწილს 25 მარტს, 16:00 საათამდე კვლავ უფასოდ მიიღებს.
საქველმოქმედო აქცია ახალციხეში, სამედიცინო ცენტრის "სიცოცხლის ხე"–სა და ფარმაცევტული კომპანია "ჯი ემ პი"–ს ერთობლივი ორგანიზებით ტარდება.