უნივერსიტეტის მუზეუმში რამაზ კორშიას ნამუშევრები გამოიფინა
18:34 / 30.01.2020
ახალციხეში რამაზ კორშიას პერსონალური გამოფენა გაიხსნა. მხატვარ-რესტავრატორის ნამუშევრები სამცხე-ჯავახეთის სახელმწიფო უნივერსიტეტის მუზეუმში განთავსდა.
სტუმრებს საშუალება ჰქონდათ მუზეუმში წარმოდგენილი მისი 30-მდე ნამუშევარი ენახათ, რომელიც ახალციხეში თვის ბოლომდე დარჩება.
3 თებერვალს წმ.მაქსიმე აღმსარებლის ხსენების დღესთან დაკავშირებით რამაზ კორშიას პერსონალური გამოფენა უკვე ცაგერში გაიხსნება. მხატვარ-რესტავრატორი ძირითადად ფერწერაში, ქანდაკებაში, გრაფიკაში, ლითონზე, ჭედურობასა და მინანქარში მუშაობს.
ავტორი საკუთარი იდეით შექმნილ ნამუშევრებს არ ყიდის, თუმცა შეკვეთებს იღებს.
მხატვარ-რესტავრატორი ამჟამად აწყურისა და ბიეთის ეკლესიების რესტავრაციასა და ეკლესიის კარების, ხატებისა და სხვა მასალებზე მუშაობს.